24.08.2026 | 23:05
Քննարկվել են Հայաստանի և Վրաստանի միջև տեխնոլոգիական համագործակցության ընդլայնման հարցեր
Վարչապետին սուր տվեցիք՝ արդարադատություն իրականացնելու համար. Մխիթար Հայրապետյան․ ՏԵՍԱՆՅՈՒԹ
Քաղաքականություն
21.06.2021 | 21:06
Մենք եկել ենք շնորհավորելու ձեզ, որովհետև երեկվա հաղթանակը ձերն է, և սա ասում եմ առանց ավելորդ պոպուլիզմի: Շնորհակալ եմ, հա՛յ մարդ, շնորհակալ եմ, հա՛յ ժողովուրդ: Այս մասին Հնարապետության հրապարակում այսօրվա հանրահավաքի ընթացքում ասաց ԱԺ «Իմ քայլը» խմբակցության անդամ Մխիթար Հայրապետյանը:
«Դուք կտրել եք յոթգլխանի վիշապի գլուխը, և դրանով ավարտել եք վիշապների էջը Հայաստանում: Կեցցեք, հպարտանում եմ ձեզնով»,- նշեց Հայրապետյանը:
Նա հավաքի մասնակիցներին ներկայացրեց հին հունական դիցաբանության արդարադատության դիցուհի Ֆեմիդայի արձանիկը:
«Ես ուզում եմ ցույց տալ աջ ձեռքի սուրը, որը խորհրդանշում է պատասխանատվություն, օրենքի դիկտատուրա և հետևաբար, նաև պատիժ հանցանքի ու հանցավորության համար: 2018 թ. հեղափոխության տրամաբանությամբ դուք մեզ տվեցիք հնարավորություն՝ լինել հավասար բոլորի հետ, լինել անաչառ բոլորի հետ մեր ամենօրյա աշխատանքում: Եվ երեկ արդեն դուք վարչապետին տվեցիք այս սուրը՝ նաև իրականացնելու արդարադատություն, օրենքի ողջ խստությամբ լինել անհանդուժող հանցանքի, մեղքի և հանցագործության նկատմամբ: Եվ ես ասում եմ, որ մենք գիտակցում ենք այդ պատասխանատվությունը, գիտակցում ենք այն, ինչ ասել ենք այս բեմից նախընտրական շրջանում»,- հավելեց Հայրապետյանը:
Մանրամասները՝ տեսանյութում:
