31.07.2026 | 00:19
Կոնֆերենցիաների լիգա. «Ալաշկերտը» 10 ֆուտբոլիստով պարտվեց «Կլուժին»
Արայիկ Հարությունյանը Երևանում տարբեր կուսակցությունների ղեկավարության հետ է հանդիպել. ԱՀ նախագահի խոսնակ
Քաղաքականություն
21.06.2021 | 19:46
Հաշվի առնելով, որ ԱՀ նախագահ Արայիկ Հարությունյանի՝ երեկ «Քաղաքացիական պայմանագիր» կուսակցության շտաբ այցը տարբեր մեկնաբանությունների տեղիք է տվել՝ ուզում եմ տեղեկացնել, որ Արայիկ Հարությունյանը միայն այդ կուսակցության ղեկավարությանը չի հանդիպել: Այս մասին «Արցախպրես»-ի հետ զրույցում ասել է ԱՀ Նախագահի մամուլի խոսնակ Լուսինե Ավանեսյանը:
«Պետք է նկատել, որ տվյալ այցը տեղի է ունեցել քվեարկության ավարտից հետո և չէր կարող ազդել ընտրության արդյունքների վրա: Արցախի նախագահը պահպանել է քաղաքական չեզոքությունը նախընտրական փուլում՝ լավ գիտակցելով, որ անկախ ընտրությունների արդյունքներից՝ Արցախ-Հայաստան-Սփյուռք միասնությունը վտանգել չի կարելի:
Ներազգային երկպառակությունը լի է անկանխատեսելի վտանգներով, ինչը, անկախ քաղաքական տարաձայնություններից, պետք է լավ գիտակցեն հայկական քաղաքական դաշտի ներկայացուցիչները»,- ասել է Լուսինե Ավանեսյանը:
