09.06.2026 | 17:07
Ինչ եղանակ է սպասվում այս ամառ․ հրապարակվել է 2026-ի գլոբալ կանխատեսումը
Անհանգստացած ենք լրագրողների հանդեպ ֆիզիկական ոտնձգությունների դեպքերով․ ԵԱՀԿ/ԺՀՄԻԳ դիտորդ. ՏԵՍԱՆՅՈՒԹ
Հասարակություն
21.06.2021 | 16:29
ՀՀ Ազգային ժողովի արտահերթ ընտրությունները եղել են մրցակցային ու, հաշվի առնելով բավական կարճ ժամանակահատվածը, լավ կազմակերպված։ Այսօր Երևանում կայացած ասուլիսի ժամանակ հայտարարեցին միջազգային դիտորդական կազմակերպությունների ներկայացուցիչները։
ԵԱՀԿ ԺՀՄԻԳ ներկայացուցիչ Յոհան Մերֆին ընդգծեց, որ ընտրությունների դիտարկման ընթացքում իրենք որևէ խոչընդոտի չեն բախվել, իշխանություններն ու մասնակից քաղաքական ուժերն ամեն կերպ աջակցել են իրենց։ Իրենք էլ բոլոր ասպարեզներում հանդիպել են պրոֆեսիոնալ աշխատանքի։
Այդուհանդերձ ԵԱՀԿ ԺՀՄԻԳ–ի ներկայացուցիչը ևս շեշտեց ագրեսիայի ու թշնամանքի առկայությունը ընտրական հռետորաբանության մեջ։
Նրա խոսքով` անգամ այդ միջավայրում իշխանությունը կարողացել է ապահովել այնպիսի միջավայր, որն անհրաժեշտ է ընտրությունների անցկացման համար և հույս հայտնեց, որ իշխանությունը կապահովի նաև առկա բոլոր բողոքների ուսումնասիրությունը։ «Անհանգստացած ենք լրագրողների հանդեպ ֆիզիկական ոտնձգությունների դեպքերով»,- նշեց դիտորդը:
Մանրամասները՝ տեսանյութում:
