30.06.2026 | 11:27
Քրեական վարույթ՝ Վանաձորում օդաճնշիչ ատրճանակից կրակոցների դեպքով
Ո՞ր ուժերի վերաբերյալ է «Անկախ դիտորդը» առավել շատ խախտումների մասին ահազանգեր ստացել
Հասարակություն
21.06.2021 | 14:25
«Անկախ դիտորդ» դիտորդական առաքելության մասնակցությամբ տեղի է ունենում մամուլի ասուլիս՝ «2021թ. հունիսի 20-ի արտահերթ խորհրդարանական ընտրություններ. քվեարկության օրվա ամփոփում» թեմայով:
Հելսինկյան քաղաքացիական ասամբելայի Վանաձորի գրասենյակի ղեկավար Արթուր Սաքունցը նշեց, որ իրենց եզրակացություններն արվել են միայն դիտորդական առաքելության տեղեկատվական աղբյուրների հիման վրա:
«Ոչ միայն ընտրական խախտումների, այլ նաև ընտրական գործընթացների մասնակից անձանց նկատմամբ բռնության փաստերով պետք է պատշաճ քննություն կատարվի, եթե կլինեն նման փաստերով դիմումներ, մենք պատրաստ ենք իրավական աջակցություն տրամադրել տուժածներին»,- նշեց Սաքունցը:
«Անկախ դիտորդ» նախաձեռնության անդամ, «Իրազեկ քաղաքացիների միավորում» ՀԿ համակարգող Դանիել Իոաննիսյանը հավելեց, որ թեև հանցագործության մասին հաղորդումների ծանրակշիռ մասը վերաբերում է «Հայաստան» դաշինքին և երկրորդ հորիզոնականում «Պատիվ ունեմ» դաշինքն է, այդուհանդերձ հանցագործության մասին հաղորդումներ են եղել նաև «Քաղաքացիական պայմանագիր» կուսակցության ներկայացուցիչների նկատմամբ:
Նշենք, որ «Անկախ դիտորդ» նախաձեռնության կողմից իրավապահ մարմիններին ուղարկվել է 30 հաղորդում, որոնց ծանրակշիռ մեծամասնությունը վերաբերել է ընտրակաշառքի դեպքերին, երկրորդ հորիզոնականում ընտրողների վրա ապօրինի ազդեցության այլ դրսևորումներն են:
Մանրամասները՝ տեսանյութում:
