19.11.2024 | 10:46
«Իմ քվեարկությունը չեղավ», «Դա հիմք է ստեղծելու Ձեզ հետագայում հեռացնել»․ Ավինյանը կատակեց․ ՏԵՍԱՆՅՈՒԹ
Մոռացել էինք ընտրակաշառքի մասին, բայց նախկինները հետ բերեցին․ Ժաննա Ալեքսանյան․ ՏԵՍԱՆՅՈՒԹ
Քաղաքականություն
20.06.2021 | 13:22
Factor TV-ի հարցազրույցը իրավապաշտպան Ժաննա Ալեքսանյանի հետ
-Հայաստանը խորհրադարան է ընտրում, հանգիստ պայմաններում չեն անցնում ընտրությունները։ Մասնավորապես, մինչ այս պահը երկու կրակոցի դեպք է արձանագրվել․ մեկը՝ Շիրինյան-Բաբաջանյան ժողովրդավարների դաշինքի առաջնորդ Արման Բաբաջանյանի ավտոմեքենայի ուղղությամբ, մյուս միջադեպը տեղի է ունեցել «Վերելք» և «Բարգավաճ Հայաստան» կուսակցությունների ներկայացուցիչների միջև Ազատաշեն համայնքում։ Տիկի՛ն Ալեքսանյան, ինչո՞վ եք բացատրում այս լարվածությունը։
-Նախորդող ընտրարշավի լարվածությունը պետք է փոխանցվեր, մտածում էինք, որ իշխանությունն ամեն ինչ անելու է՝ առանց միջադեպերի ապահովելու այս ընտրությունների բուն քվեարկության օրը։ Կարծում եմ, որ մեքենայի վրա այս կրակոցը տագնապալի է, և սա պետք էր շատ արագ պարզաբանել՝ ինչ կրակոց է և այլն։ Փորձը ցույց է տալիս, որ իրավիճակն ընթացքում է լարվում։ Քվեարկությունից հետո լսեցի Ռոբերտ Քոչարյանի խոսքը, դժգոհ էր իշխանությունից, որ հակաքարոզչական թռուցիկներ են տարածվել իրենց մասին, և պահանջում էր, որ 1-2 ժամվա մեջ դա բացահայտվի։ Կարծում եմ, որ բոլորն էլ իրավունք ունեն պահանջելու և ոստիկանությունը պետք է շատ զգոն լինի, թեև տպավորություն ունեմ, որ այդքան վատ չի աշխատում, պարզապես կրակոցները պետք է բացառվեին։ Մենք շատ բաների էջեր ենք փակել՝ ընտրակաշառք, մարդիկ արդեն մոռացել էին դրա մասին, բայց նախկին ուժերը եկան և բերեցին։
-Ռոբերտ Քոչարյանի գլխավորած դաշինքը ժամը 10․00-ի դրությամբ հայտարարություն է տարածել և նշում է, թե Հայաստանի պատմության մեջ չեն եղել նման ծավալի ընտրական խախտումներ։ Ի՞նչ եք կարծում, տիկին Ալեքսանյան, ի՞նչ փաստերի հիման վրա են նման պնդում անում։
-Իրենք նման փաստեր չունեն․ 2008-ի ընտրությունը, որը կազմակերպել էր երկրորդ նախագահը, սարսափելի էր, առևանգում էին մարդկանց, խոշտանգում էին, օլիգարխները ձեռնաշղթաներով կամ շղթայված պահում էին ինչ-որ նկուղներում․ դա սարսափելի, վատ երազ է, որը երբեք չես մոռանա, և հիմա ինքը խոսում է օրենքի մասին։ Հայաստանում անկախությունից ի վեր մասնակցել եմ տեղի ունեցած գրեթե բոլոր ընտրություններին և չէի ասի, որ հիմա շատ լարված է, ուղղակի անհանգստանում եմ, որ հետագա ընթացքը չլարվի։ Քոչարյանը չի կարող թափանցիկ, արդար ընտրություններով իշխանության գալ, ինչպես ինքը փորձում է ներկայացնել․ մենք տեսել ենք, թե ինչպես էր անցկացնում ընտրություններ, ինչ խախտումներ էին կատարում, ինչպես էին մարդկանց ահաբեկում, ծեծում և սպառնում։
Հարցազրույցն ամբողջությամբ՝ տեսանյութում:
