30.06.2026 | 11:02
NYMEX. Թանկարժեք մետաղների գները նվազել են
Ադրբեջանը միջազգային հետախուզում է հայտարարել ՀՀ ԶՈՒ գնդապետի նկատմամբ
Հասարակություն
18.06.2021 | 18:08
Ադրբեջանի Գյանջա քաղաքի ռազմական դատախազությունը քրեական գործ է հարուցել հայ զինվորականների կողմից, իբր, Արցախի գրավյալ Քարվաճառի ու Քաշաթաղի շրջանում ականապատման կապակցությամբ։ Այս մասին հաղորդում են տեղական լրատվամիջոցները։
Ըստ հաղորդագրության՝ դատախազությունը մեղադրանք է առաջադրել ՀՀ ԶՈՒ պաշտոնաթող գնդապետ Կորյուն Ղումաշյանի նկատմամբ, որը, իբր, ասել է, որ այդ շրջաններն ականապատվել են հակատանկային ու հակահետևակային ականներով։ Նշվում է, որ Ղումաշյանը «հանցավոր դավադրության մեջ է մտել այլ անձանց հետ, որոնց ինքնությունը պարզվում է»։
Ադրբեջանական աղբյուրների հաղորդմամբ՝ Կորյուն Ղումաշյանին մեղադրանք է առաջադրվել Քրեական օրենսգրքի 120․1՝ դիտավորյալ սպանություն, 120․2․7՝ երկու և ավելի անձանց սպանություն, 120․2․12՝ սպանություն էթնիկ, ռասսայական, կրոնական ատելության կամ թշնամանքի հողի վրա, և այլ հոդվածներով։ Նրա նկատմամբ հայտարարվել է միջազգային հետախուզում։
Էմմա Չոբանյան
