13.06.2026 | 17:47
Հովհաննես Հովսեփյանը վերընտրվել է Հայաստանի բռնցքամարտի ֆեդերացիայի նախագահի պաշտոնում
Արդարադատության խորհուրդը չէր կարող ապահովել դատական համակարգի անկախությունը. Արփինե Հովհաննիսյան (տեսանյութ)
Քաղաքականություն
27.02.2018 | 15:41
Ազգային ժողովում քննարկվում է Բարձրագույն դատական խորհրդի 5 անդամի ընտրության հարցի քննարկումը: Ելույթով հանդես եկավ ԱԺ փոխնախագահ Արփինե Հովհաննիսյանը՝ նշելով, որ Բարձրագույն դատական խորհուրդն ունենալու է կարևոր առաքելություն:
«Չափազանց կարևոր հարց ենք քննարկում, և տրամաբանական են դահլիճում հնչող գնահատականներն ու կարծիքները, դահլիճում տիրող մթնոլորտը: Այն մարմինը, որի անդամների ընտրության հարցը քննարկում ենք, ունի չափազանց կարևոր առաքելություն՝ դատավորի լիազորությունների դադարեցումից մինչև կարգապահական պատասխանատվության ենթարկելը: Իմ պատգամավոր գործընկերները, և ընդհանրապես շատերը դատական համակարգի մասին խոսում են, սակայն երբեք չեն նշում, որ մենք իրականում հասել ենք դատական համակարգի կայացվածության այն կետին, որին ուզում ենք, կամ դատավորների անկախության այն ուղենշին, որին ձգտում ենք: Դա լա՞վ է, թե՞ վատ, սակայն իրականություն է, իսկ փաստերի հետ պետք է հաշվի նստել, իսկ փաստն այն է, որ մենք ունենք դատավորներ, որոնք օր ու գիշեր անխոնջ աշխատում են դատական համակարգի պատիվը բարձր պահելու համար, բայց նաև կան դատական համակարգի այնպիսի ներկայացուցիչներ, ովքեր այդ պատվաբեր առաքելությունը այդքան էլ հաջողությամբ չեն իրականացնում»,- նշեց հանրապետական պաշտոնյան:
Մանրամասները՝ տեսանյութում:
