19.05.2026 | 19:47
Գերմանիան Թուրքիայում Patriot համակարգեր կտեղակայի
Հոնկոնգում 500 ոստիկան ներխուժել է ընդդիմադիր թերթի խմբագրություն
Քաղաքականություն
17.06.2021 | 18:35
Շուրջ 500 ոստիկան ներխուժել է Հոնկոնգի Apple Daily ընդդիադիր թերթի խմբագրություն՝ պնդելով, որ պարբերականի հրապարակումները խախտում են Ազգային անվտանգության մասին օրենքը, գրում է BBC-ի ռուսական ծառայությունը։
Ոստիկանությունը ձերբակալել է խմբագիրներից մեկին և հրատարակչության 4 մենեջերներին։ Բացի այդ, Apple Daily-ի հետ կապ ունեցող 3 ընկերությունների 2,3 միլիոն դոլար արժողությամբ ակտիվները սառեցվել են։
Թերթը պատկանում է հոնկոնգյան հայտնի միլիոնատեր, գործարար Ջիմմի Լայուին, որն այժմ բանտարկված է՝ 2019 թվականին չարտոնված բողոքի ցույցերին մասնակցելու համար։
Apple Daily-ն հայտնի է Չինաստանի իշխանությունների դեմ քննադատական դիրքորոշմամբ։
Տաթև Ֆռանգյան
