24.04.2026 | 09:35
Փաշինյանն ու բարձրաստիճան այլ պաշտոնյաներ հարգանքի տուրք մատուցեցին Հայոց ցեղասպանության զոհերի հիշատակին․ ՏԵՍԱՆՅՈՒԹ
Երեխաների քաղաքի կառուցման համար կառավարությունը հողատարածք հատկացրեց. ՏԵՍԱՆՅՈՒԹ
Տնտեսություն
17.06.2021 | 11:45
Արարատի մարզի Շահումյան և Տափերական համայնքներում կկառուցվեն «Երեխաների քաղաք» ստեղծարար կենտրոններ։ Տեղեկությունն այսօր ՀՀ կառավարության նիստում հայտնեց ՀՀ Տարածքային կառավարման և ենթակառուցվածքների նախարարի տեղակալ Վաչե Տերտերյանը։
Նրա խոսքով`ծրագիրը բարեգործական է ու իրականացվելու է «Հայկական կարիտաս» ՀԿ–ի կողմից։
«Պիտի լինի այլընտրանքային կրթական համալիր, ստեղծագործական կենտրոն, որտեղ 14 տարեկանից բարձր երիտասարդների շրջանում կիրականացվեն անձի բազմակողմանի զարգացման ծրագրեր` ուղղված մասնագիտական կողմնորոշմանը, կյանքի հմտությունների զարգացմանը և որակյալ կրթության հնարավորությունների ստեղծմանը»,– ասաց Տերտերյանը։
Փոխնախարարը հայտնեց, որ ծրագրի ամբողջական արժեքը 20 մլն ԱՄՆ դոլար է։ Ընդ որում, կառավարությունը, հաստատելով ներդրումը որպես բարեգործական, միաժամանակ հստակ կանոններ է սահմանել` ծրագրի ինչ–ինչ պատճառով խաթարվելու դեպքում պատասխանատու ընկերությունը կենթարկվի պատասխանատվության։ Իսկ հատկացված համայնքային հողերը հետ կվերցվեն նրանից։
Արարատի մարզի Շահումյան և Տափերական գյուղերում «Երեխաների քաղաք» ստեղծարար կենտրոնների կառուցման համար «Հայկական կարիտաս» ՀԿ-ի հետ կնքված պայմանագրով սահմանված է ժամկետ` 2021թ–ի սեպտեմբերի 31-ից մինչև 2026թ–ի դեկտեմբերի 31-ը։ Շահումյան համայնքում կտրամադրվի 14,9 հեկտար մակերեսով հողային տարածք, իսկ Տափերական համայնքում՝ 10,2 հա մակերեսով հողային տարածք:
Մանրամասները՝ տեսանյութում:
