24.04.2026 | 13:55
Ադրբեջանի ԱԳՆ-ն «դատապարտել» է Երևանում Թուրքիայի դրոշի այրումը
Իհարկե, ունենք․ Ալիևն անկախ իրենից խոստովանել է, որ հայ գերիների են պահում. ՏԵՍԱՆՅՈՒԹ
Քաղաքականություն
17.06.2021 | 11:11
ՀՀ ՄԻՊ-ի ֆեյսբուքյան պաշտոնական էջում հաղորդագրություն է հրապարակվել, որում ասվում է.
«Անհերքելի ապացույց այն մասին, որ ադրբեջանական իշխանությունները`
1) հայկական կողմի բոլոր գերիներին ապօրինաբար պահում են պատանդի վիճակում` քաղաքական սակարկությունների համար.
2)իրականացնում են մարդկանց առևտուր` կատարելով հանցանք.
3)միջազգային հանրությանը շարունակաբար մոլորեցնում են` պնդելով, թե իբր գերիները ահաբեկիչ կամ դիվերսանտ են.
4) գերիների նկատմամբ կազմակերպում են կեղծ քրեական դատավարություններ:
Թուրքիայի և Ադրբեջանի նախագահների այս քննարկումն այն մասին է, որ հայկական կողմի գերիներն Ադրբեջանում ապօրինաբար պահվում են` ինչ-որ ականապատ քարտեզների դիմաց մաս-մաս փոխանակելու համար:
ՀՀ մարդու իրավունքների պաշտպանի աշխատակազմը տեսանյութը թարգմանել է ռուսերեն և անգլերեն ու վերլուծության ենթարկել:
Այն ՀՀ մարդու իրավունքների պաշտանի պաշտոնական նամակով կուղարկվի ՄԱԿ-ի մասնագիտացված մարմիններին, ԵԱՀԿ, ԵԽ և այլ միջազգային կառույցներին»:
Կից հրապարակվել է նաև փաստն արձանագրող տեսանյութը, որտեղ Ալիևը Թուրքիայի նախագահ Էրդողանի հետ քննարկում է ականապատ տարածքների քարտեզների հարցը և ինքնաբերաբար խոստովանում, որ հայ գերիների են պահում։
