09.09.2026 | 17:23
ԱՄՆ-ն չինական ընկերություններին մեղադրել է ամերիկյան արհեստական բանականության տեխնոլոգիաները պատճենելու մեջ
Ընտրվելու դեպքում անելու ենք հնարավորը՝ երաշխավորելու ձեր անկախությունը. Գագիկ Հարությունյանը՝ դատավորներին (տեսանյութ)
Քաղաքականություն
27.02.2018 | 12:58
Ազգային ժողովում մեկնարկել է Բարձրագույն դատական խորհրդի 5 անդամի ընտրության հարցի քննարկումը: ԱԺ ՀՀԿ խմբակցությունը կոալիցիոն գործընկերոջ՝ ՀՅԴ-ի հետ Բարձրագույն դատական խորհրդի անդամի պաշտոնում առաջադրել է Գագիկ Հարությունյանի, Գևորգ Դանիելյանի, Լիպարիտ Մելիքջանյանի, Հայկ Հովհաննիսյանի և Սերգեյ Մեղրյանի թեկնածությունները:
ԱԺ ամբիոնից ելույթ ունենալով՝ Սահմանադրական դատարանի գործող նախագահ Գագիկ Հարությունյանն ասաց՝ Բարձրագույն դատական խորհրդից կախված են երկրի ճակատագրին առնչվող բախտորոշ իրադարձություններ։
«Գիտակցելով պատասխանատվության այդ աստիճանը և մեր երկրի համար որակապես նոր դատական իշխանություն ձևավորելու անհրաժեշտությունը, ես տվել եմ իմ համաձայնությունը մասնակիցը լինել այդ առաքելության իրականացման գործին: Բարձրագույն դատական խորհուրդն անկախ պետական մարմին է, որը երաշխավորում է դատարանների ու դատավորների անկախությունը: Գործառույթն իրականացնելու համար խորհուրդն այս առումով օժտված է լայն լիազորություններով»,- շեշտեց Գագիկ Հարությունյանը:
Ըստ Գագիկ Հարությունյանի՝ Հայաստանում դատավորների պատասխանատվությունն ավելի պակաս չէ, քան սահմանը պահող զինվորներինը: «Այսօր ողջ երկրի ու ժողովրդի արժանապատիվ ապագան է պայմանավորված այդ 250 դատավորների գործողություններով»,- նշեց ՍԴ գործող նախագահը՝ հավելելով, որ վստահության քվե ստանալու դեպքում անձամբ ջանքեր կգործադրի Հայաստանում կայացնելու անկախ ու հանրային վստահություն վայելող դատական իշխանությունը:
