Քաղաքականություն
16.06.2021 | 17:32
Երևանից առաջին գնացքն ուղևորներին Վրաստան է հասցրել երկու երկրների միջև երկաթգծային հաղորդակցության վերականգնումից հետո։ Այս մասին Sputnik-ի վրացական ծառայությանը հայտնել է «Վրաստանի երկաթուղիների» մամլո ծառայությունը։
Հայաստանի ու Վրաստանի միջև երկաթուղային հաղորդակցությունը ժամանակավորապես դադարեցվել էր կորոնավիրուսային համաճարակի պատճառով։ Երևան-Թբիլիսի-Բաթումի երթուղով գնացքների երթևեկությունը վերականգնելու մասին որոշումը կայացվել է այն բանից հետո, երբ Վրաստանը հունիսի 1-ին բացել է ցամաքային սահմանները, որոնք փակ էին 2020 թվականի մարտից:
«Այսօր առավոտյան Երևանից գնացքը ժամանել է Բաթումի: Գնացքը Թբիլիսի է հասել գիշերը, դրանից հետո ուղղվել է դեպի Բաթումի»,- ասել է գործակալության զրուցակիցը:
Բաթումիում մարդատար գնացքը դիմավորել է Վրաստանի ֆինանսների նախարարության մաքսային վարչության պետ Զուրաբ Սիչինավան: Լրագրողների հետ զրույցում նա ասել է, որ առաջին գնացքը Վրաստան է բերել շուրջ 80 այցելուի:
Տաթև Ֆռանգյան
