27.11.2024 | 15:36
Թուրքիան ամրապնդում է իր դերը որպես գլոբալ քաղաքականության դերակատար. Էրդողանը ողջունել է Լիբանանում հրադադարը
Լրագրողները հրմշտոց են առաջացրել «Լա Գրանժ» վիլլայի մուտքի մոտ․ խառնաշփոթ Բայդեն-Պուտին հանդիպման մեկնարկին․ ՏԵՍԱՆՅՈՒԹ
Քաղաքականություն
16.06.2021 | 16:54
Ժնևի «Լա Գրանժ» վիլլայի մուտքի մոտ, որտեղ մեկնարկել է Ռուսաստանի և ԱՄՆ նախագահներ Վլադիմիր Պուտինի ու Ջո Բայդենի հանդիպումը, լրագրողներ միջև հրմշտոց է առաջացել։ ՌԻԱ Նովոստիի թղթակիցների հաղորդմամբ՝ ներս մտնել հաջողվել է միայն մի քանի լրագրողի։
«Ես միայն տեսել եմ այն, որ նախագահներն արդեն նստել էին, իսկ լրագրողներն անդադար փորձում էին ներս մտնել և ինչ-որ մի պահի այդ ամենը վերածվել է նրան, որ նախագահները նստել ու պարզապես նայում էին, թե ինչպես են լրագրողները ներս մտնում»,- պատմել է ՌԻԱ Նովոստիի զրուցակիցը։
Արդյունքում միայն մի քանի լրագրողներ են կարողացել մասնակցել Պուտինի ու Բայդենի նեղ կազմով հանդիպմանը, պարզաբանել է ՌԻԱ Նովոստիի լրագրողը։ Մուտքի մոտ իսկական հրմշտոց է եղել, որը շարունակվել է մեկ քառորդ ժամից ավելի։
Հիշեցնենք՝ այս պահին ընթանում է ՌԴ ու ԱՄՆ նախագահների հանդիպումը։ Նախատեսվում է, որ բանակցությունները կկայանան 3 մասից՝ նեղ կազմով և երկու ընդլայնված կազմով հանդիպումներ։
Տաթև Ֆռանգյան
