17.09.2026 | 13:52
Հորս մասով փորձում է հաճոյանալ Ալիևին. Լևոն Քոչարյանը՝ Փաշինյանի մասին․ ՏԵՍԱՆՅՈՒԹ
Պիտի գտնենք մեր նոր մակույկը, որը մեզ կհասցնի փրկության հանգրվանը․ Արա Պապյան
Քաղաքականություն
16.06.2021 | 12:21
«Այսօր փորձ է արվում ցույց տալ, որ երկբևեռ ընտրություն է՝ նախկին իշխանության՝ Ռ. Քոչարյանի, և ներկա իշխանության՝ Ն. Փաշինյանի միջև, բայց մենք գտնում ենք, որ դա նույն բևեռն է, նույն Կրեմլի կողմից կառավարվող և Կրեմլին սիրաշահելու քաղաքականություն վարողներն են?,- այսօր հրավիրված մամուլի ասուլիսի ժամանակ այսպիսի կարծիք հայտնեց «Ազգային-ժողովրդավարական բևեռի» խորհրդի անդամ, քաղաքագետ Արա Պապյանը:
Նրա խոսքով՝ եթե այդ քաղաքականությունը շարունակվի, ապա ավելի վատ է լինելու. «Որովհետև Ռուսաստանն այսօր ավելի սերտ հարաբերություններ ունի Թուրքիայի հետ, քան Հայաստանի, երկրորդ՝ Հայաստանը, լինելով պարտված երկիր և կորցնելով Արցախը՝ աշխարհաքաղաքական կարևորությունը և ազդեցության լծակները կորցրել է, և երրորդ՝ Ռուսաստանն այսօր լրջագույն խնդիրների առջև է կանգնած, այդ թվում՝ տնտեսական… Եթե չենք ուզում այդ խորտակվող Տիտանիկի հետ իջնել ջրի հատակը, պիտի գտնենք մեր նոր մակույկը, որը մեզ կհասցնի փրկության հանգրվանը:
Մանրամասները՝ տեսանյութում:
