11.10.2026 | 15:47
Լեհաստանում ստուգում են Տուսկի դեմ հնարավոր մահափորձի վերաբերյալ տեղեկությունները
Սպիտակ տունը հրապարակել է Բայդեն-Պուտին հանդիպման ժամը
Քաղաքականություն
16.06.2021 | 12:30
Այսօր Ժնևում կայանալու է ԱՄՆ և Ռուսաստանի նախագահներ Ջո Բայդենի և Վադիմիր Պուտինի հանդիպումը Լա-Գրանժ վիլլայում, տեղի ժամանակով ժամը 13։35-ին։ Այս մասին ասված է Սպիտակ տան տարածած հայտարարության մեջ։
«13։35-ին նախագահը ռուս-ամերիկյան գագաթնաժողովի շրջանակում երկկողմ հանդիպում կունենա ՌԴ նախագահ Վլադիմիր Պուտինի հետ»,- ասված է հայտարարության մեջ։
Նշվում է նաև, որ ընդլայնված կարգով բանակցությունները կսկսվեն տեղի ժամանակով ժամը 14։55-ին։
Բայդենը նաև մամլո ասուլիս կտա Պուտինի հետ հանդիպումից հետո, սակայն դրա մեկնարկի ժամը Սպիտակ տունը չի նշել։ Ընդ որում, ակնկալվում է, որ նախ ասուլիսով հանդես կգա ՌԴ ղեկավարը։
Հավելենք, որ սա կլինի ՌԴ և ԱՄՆ ղեկավարների առաջին դեմ առ դեմ հանդիպումը Բայդենի՝ ԱՄՆ նախագահ դառնալուց հետո։ Ժնև Պուտինի ուղևորությունը կլինի ռուս ղեկավարի առաջին արտագնա այցը 2020 թվականի հունվարից։
ՌԴ նախագահի օգնական Յուրի Ուշակովն ավելի վաղ հայտնել էր, որ երկու երկրների ղեկավարները կքննարկեն հակամարտությունները Լեռնային Ղարաբաղում, Ուկրաինայում, Սիրիայում, Լիբիայում, Աֆղանստանում։ Օրակարգում են նաև ռազմավարական կայունությունը, համաճարակը, կիբերհանցագործությունների դեմ պայքարը, տնտեսության ոլորտում համագործակցությունը, կլիմայի փոփոխությունն ու Արկտիկայի խնդիրները։
Տաթև Ֆռանգյան
