19.12.2025 | 02:04
Կոնֆերենցիաների լիգա․ Վահան Բիչախչյանը՝ գոլի հեղինակ
Մարդը եթե ինքն իրեն չի կարողանում կառավարել, ո՞նց կարող է երկիր կառավարել. Քոչարյան. ՏԵՍԱՆՅՈՒԹ
Քաղաքականություն
16.06.2021 | 11:40
Ձգտում է վերընտրվել մի իշխանություն, որն իր խոստումներից գրեթե ոչ մեկը չի կատարել, որի կադրային ռեսուրսը զրոյական մակարդակի վրա է: 2018-ին իշխանության ենք բերել մարդկանց, որոնք արժեզրկեցին իշխանություն հասկացությունը և ամբողջ պետական համակարգը: Այս մասին այսօր Արթիկում ընտրողների հետ հանդիպմանը նշեց «Հայաստան» դաշինքի վարչապետի թեկնածու, ՀՀ երկրորդ նախագահ Ռոբերտ Քոչարյանը:
Ռոբերտ Քոչարյանն անդրադարձավ կարևոր ոլորտներում ղեկավարների հաճախակի փոփոխություններին՝ նշելով, որ չեն հասցնում ինչ-որ բան անել. «Հնարավոր չէ այս ճանապարհով կառավարել և հաջողություն ունենալ»:
«Անվտանգության լրջագույն սպառնալիքներ ունեցող երկրում երեք տարում ԱԱԾ 5 ղեկավար է փոխվում, մի երկրում, որը չհայտատարված պատերազմի մեջ է, 4 նշանակում է փոխվում ԳՇ-ում: Արտգործնախարարության շենքը կա, ինչ-որ մարդիկ գնում, գալիս են, պատուհանից նայում Արարատ լեռանը, բայց արտգործնախարարություն գոյություն չունի: Այնտեղ նստած մարդիկ մեղավոր չեն, փորձառու դիվանագետներ են», – նշեց Քոչարյանը:
Նա ընդգծեց, որ պետական համակարգի գլխին կանգնած է մի մարդ, ով իրեն չի կարողանում կառավարել, բայց համարում է, որ երկիրը կարող է կառավարել:
«Եթե մարդն ինքն իրեն չի կարողանում կառավարել, ո՞նց կարող ժողովուրդ կառավարել կամ մի ամբողջ երկիր»,- նշեց Քոչարյանը:
Մանրամասները՝ տեսանյութում:
