30.06.2026 | 09:48
Էնցո Մարեսկան` «Մանչեսթեր Սիթիի» գլխավոր մարզիչ
Եվրո-2020-ի համար ևս մեկ հայ մարզական մեկնաբանի հավատարմագրում է չեղարկվել
Քաղաքականություն
15.06.2021 | 17:31
Ռուսական ՌԲԿ-ի մարզական լուրերի բաժնի ղեկավար Հրանտ Գետադարյանի հավատարմագրումը Եվրո-2020-ի համար չեղարկվել է։ Այս մասին հայտնում է լրատվական գործակալությունը։
Նշվում է, որ մրցաշարից առաջ ՌԲԿ-ի լրագրողը ծանուցում է ստացեցլ Եվրո-2020-ի հավատարմագրում անցնելու, ինչպես նաև 8 խաղերի հավատարմագրման հաստատման մասին, այդ թվում՝ Ռուսաստանի հավաքականի մասնակցությամբ, սակայն հունիսի 11-ին Սանկտ Պետերբուրգի հավատարմագրման կենտրոնում նրան անհրաժեշտ փաստաթղթեր չեն տրամադրել: Հաջորդ օրը պարզվել է, որ Գետադարյանը չի անցել Եվրո-2020-ն ընդունող 11 քաղաքներից մեկի անվտանգության վերահսկումը:
Պաշտոնապես Եվրո 2020-ի կազմկոմիտեում ՌԲԿ-ին չեն հայտնել այն քաղաքը, որն արգելափակել է հավատարմագրումը: Այստեղ նաև խորհուրդ են տվել լրագրողին նամակ գրել ՈՒԵՖԱ-ին, որ Հրանտ Գետադարյանը չի մասնակցելու Բաքվում կայանալիք խաղերին: Այնուամենայնիվ, լրագրողը ծանուցագիր է ստացել այն մասին, որ իր հավատարմագրումը չեղյալ է հայտարարվել: Նշվում է, որ ոչ մի պարզաբանում չի եղել, թե ինչու է մերժվել լրագրողի հավատարմագրումը։
Հիշեցնենք՝ ռուսաստանաբնակ հայազգի մարզական մեկնաբան Նոբել Առուստամյանի հավատարմագրումը ևս մերժվել էր Բաքվի կողմից, սակայն ՈՒԵՖԱ-ի ջանքերի շնորհիվ վերջինի հավատարմագրումը հաստատվել էր։
Տաթև Ֆռանգյան
