14.09.2026 | 18:10
ԵՄ ներկայացուցիչը Երևանում է // Միացյալ Թագավորության երեք երկրներն անկախության գործընթաց կսկսեն․ ԼՈՒՐԵՐ
Ի հեճուկս Ադրբեջանի՝ Նոբել Առուստամյանը հավատարմագրվել է Եվրո-2020-ը լուսաբանելու համար
10.06.2021 | 13:15
Ռուսաստանաբնակ հայազգի մարզական մեկնաբան Նոբել Առուստամյանը հավատարմագրվել է Եվրո-2020-ը լուսաբանելու համար։ Այս մասին իր Telegram-ալիքում հայտնել է ՌԴ ԱԳՆ մամուլի խոսնակ Մարիա Զախարովան։
«Նոբել Առուստամյանը հավատարմագրվեց ֆուտբոլի Եվրոպայի առաջնության համար: Գերազանց է: Շնորհակալություն ՈւԵՖԱ-ին: Շարունակում ենք աշխատել»,- գրել է Զախարովան:
Հիշեցնենք, որ բլոգեր Վասիլի Ուտկինը ավելի վաղ հայտնել էր, որ Առուստամյանին չեն հավատարմագրել ֆուտբոլի Եվրոպայի առաջնությանը Բաքվի կազմկոմիտեի մերժման պատճառով։ «Матч ТВ»-ի գլխավոր պրոդյուսեր Թինա Կանդելակին այս որոշումն անվանել էր միջազգային սպորտային շարժման ոգու խախտում։ Ադրբեջանական կողմն էլ հայտարարել էր, թե Առուստամյանը չի հավատարմագրվել, քանի որ այցելել է «Ադրբեջանի օկուպացված տարածքներ»։
Երեկ ավելի վաղ Զախարովան հայտարարել էր, որ ՈւԵՖԱ-ն լուծում է փնտրում, որպեսզի ռուսաստանցի մարզական մեկնաբան Նոբել Առուստամյանը հնարավորություն ունենա իրականացնել մասնագիտական գործունեությունն ու լուսաբանել ֆուտբոլի Եվրոպայի առաջնությունը:
Տաթև Ֆռանգյան
