30.06.2026 | 10:03
Արտարժույթների փոխարժեքները՝ հունիսի 30-ի դրությամբ
Զախարովան՝ Բաքվի կողմից հայազգի սպորտային մեկնաբանի՝ Եվրոպայի առաջնությունը լուսաբանելու հավատարմագրումը մերժելու մասին
Քաղաքականություն
09.06.2021 | 16:53
ՌԴ ԱԳՆ պաշտոնական ներկայացուցիչ Մարիա Զախարովան մեկնաբանել է փաստը, որ հայազգի լրագրող Նոբել Առուստամյանը չի ստացել հավատարմագրում Եվրոպայի 2020 թվականի առաջնությունը լուսաբանելու համար՝ Ադրբեջանի կազմկոմիտեի կողմից արգելափակման պատճառով։
«ՈւԵՖԱ-ն լուծում է փնտրում, որպեսզի ռուսաստանցի մարզական մեկնաբան Նոբել Առուստամյանը հնարավորություն ունենա իրականացնել մասնագիտական գործունեությունն ու լուսաբանել ֆուտբոլի Եվրոպայի առաջնությունը: Հավատում եմ, որ լուծում կգտնվի: Երեկ ամբողջ երեկո մենք դրանով էինք զբաղված։ Եվ կարող եմ ասել, որ ներգրավված բոլոր կողմերի՝ նման կառուցողական վերաբերմունք ես վաղուց չէի տեսել»,- գրել է նա իր Telegram ալիքում:
Զախարովան հայտնել է, որ ՈւԵՖԱ-ն այժմ հնարավոր ամեն ինչ անում է, որ Եվրոպայի առաջնությունը հարյուր տոկոսանոց ընթացք ունենա։ Նրա խոսքով՝ հատուկ ուշադրություն է դարձվում լրատվամիջոցների և լրագրողների հավատարմագրմանը:
Տաթև Ֆռանգյան
