30.06.2026 | 10:19
Ավինյանն ընդունել է ՀՀ-ում Միացյալ Թագավորության դեսպանին
Գերմանացի փորձագետները վերլուծել են ԼՂ-ում ռազմական գործողությունների ընթացքը․ Գերմանիան նույնպես վատ է պաշտպանված ԱԹՍ-ներից
Քաղաքականություն
14.06.2021 | 17:24
Գերմանիայի պաշտպանական ու ռազմավարական հետազոտությունների ինստիտուտի (GIDS) տվյալների համաձայն՝ Գերմանիայի Դաշնային Հանրապետությունը հազիվ թե ունակ է հաջող կերպով հետ մղել ռազմական անօդաչու թռչող սարքերի գրոհները։ Այս մասին GIDS-ի փորձագետները հայտնել են սեփական հետազոտությունների արդյունքների մասին զեկույցում, փոխանցում է Deutsche Welle-ի ռուսական ծառայությունը։
Մասնավորապես, նրանք վերլուծել են 2020 թվականի աշնանը Լեռնային Ղարաբաղում ռազմական գործողությունների ընթացքը, երբ Ադրբեջանն ակտիվորեն Հայաստանի դեմ ԱԹՍ-ներ կիրառեց։
Եթե Բունդեսվերը, ենթադրաբար, ստիպված լիներ գործել Լեռնային Ղարաբաղում Ադրբեջանի դեմ, ապա այն գործնականում ոչ մի հնարավորություն չէր ունենա, նշել է GIDS-ի փորձագետ, ԳԴՀ ռազմաօդային ուժերի փոխգնդապետ Մայքլ Կառլը:
Նրա խոսքով՝ Բունդեսվերն այժմ բավականաչափ ունակ չէ պաշտպանվել այնպիսի սպառազինության տեսակներից, ինչպիսիք են, օրինակ, ԱԹՍ-ները։ Սա կանոնավոր բանակի, ինչպես նաև երկրի ողջ բնակչության համար ԱԹՍ-ների կիրառմամբ հնարավոր ահաբեկչությունների դեպքում մեծ վտանգ է ներկայացնում, նշել է ռազմական փորձագետը՝ հավելելով, որ, օրինակ, սովորական անօդաչու թռչող սարքերը կարող են ձևափոխվել ու վերածրագրավորվել՝ գրոհներ իրականացնելու համար։
Տաթև Ֆռանգյան
