08.11.2024 | 02:01
8-0. «Նոա»-ն չկարողացավ դիմակայել «Չելսի»-ին
Ապօրինի ներգաղթյալները մեկ օր ժամանակ ունեն՝ ՌԴ տարածքը լքելու համար
Քաղաքականություն
14.06.2021 | 12:55
Անցյալ տարվա ապրիլից կորոնավիրուսային համաճարակի հետ կապված Ռուսաստանում գործող օտարերկրյա քաղաքացիների համար արտոնությունները երկարաձգել չի նախատեսվում: Այս մասին ՏԱՍՍ-ին հայտնել են իրավապահ մարմիններում աղբյուրները:
«Ո՛չ, դեռ չի նախատեսվում այն երկարաձգել»,- ասել է գործակալության զրուցակիցը՝ պատասխանելով հարցին՝ արդյո՞ք հունիսի 15-ից հետո նախատեսվում է երկարաձգել ներգաղթյալներին տրված արտոնությունները:
2020 թվականի ապրիլին ուժի մեջ է մտել Ռուսաստանի Դաշնության նախագահ Վլադիմիր Պուտինի հրամանագիրը, որի դրույթներով բոլոր օտարերկրյա քաղաքացիներին հնարավորություն է տրվում ժամանակավորապես մնալ և օրինական աշխատել երկրում: Բացի այդ, օրինախախտ օտարերկրացիներին հնարավորություն է տրվել կարգավորել իրենց իրավական կարգավիճակը՝ առանց որևէ տուգանքների: Հրամանագիրն ուժի մեջ է մինչև այս տարվա հունիսի 15-ը:
Տաթև Ֆռանգյան
