Կվերակառուցվի Գյումրու պատմական թաղամասերից մեկը՝ Սլաբոդկան

Լուրեր

05.05.2024 | 21:52
7 ոսկի և 2 արծաթ. Հայաստանի հավաքականը ավարտեց ելույթները ուշուի ԵԱ-ում
05.05.2024 | 21:15
Եղվարդ-Երևան ավտոճանապարհին մեքենան բախվել է բետոնե էլեկտրասյանը և գլխիվայր շրջվել
05.05.2024 | 21:00
Ստալինի կիսանդրու, սովետական բանտի և Վարդան Մամիկոնյանի արձանի խորհրդի մասին. ապաքաղաքական զրույց Կարինե Քոչարի հետ․ ՏԵՍԱՆՅՈՒԹ
05.05.2024 | 20:42
Փոքր պետության բյուջե` վիրտուալ զվարճանքի համար. ամենաթանկարժեք համակարգչային խաղերը
05.05.2024 | 19:37
Հակաիսրայելական գործողությունից հետո Իրանի դիրքը բարձրացել է աշխարհում. Ռաիսի
05.05.2024 | 18:27
«Տավուշը հանուն հայրենիքի» շարժման երթը Գեղարքունիքի մարզում է
05.05.2024 | 18:12
Իսրայելում կարգելափակվի Al Jazeera-ի հեռարձակումը
05.05.2024 | 17:10
Միրզոյանը վաղը պաշտոնական այցով կլինի Հունգարիայում
05.05.2024 | 16:18
Փլուզում Սիմեոն Երևանցու փողոցում
05.05.2024 | 16:11
Իսրայելը պատրաստ է ժամանակավոր զինադադար կնքել ՀԱՄԱՍ-ի հետ
05.05.2024 | 15:41
Մակրոնը հայտարարել է Ռուսաստանի հետ երկխոսությունը շարունակելու անհրաժեշտության մասին
05.05.2024 | 14:33
«Տավուշը հանուն հայրենիքի» շարժման երթը հասել է Դիլիջան
05.05.2024 | 13:46
Հայ խորհրդարանականները Վաշինգտոնում մի շարք հանդիպումներ են ունեցել
05.05.2024 | 13:14
Առաջիկա օրերին անձրևային եղանակը կպահպանվի
05.05.2024 | 12:13
Արտարժույթների փոխարժեքները՝ մայիսի 5-ի դրությամբ
Բոլորը

ՀՀ տարածքային զարգացման հիմնադրամի կողմից մշակվում է Գյումրու պատմական կենտրոնի զարգացման ծրագիր, որի մեջ ներառված է նաև Գյումրու Սլաբոդկա թաղամասի փողոցների վերանորոգումը։ Սակայն կոլորիտով ու իր ավանդույթներ ունեցող այս թաղամասի ոչ բոլոր փողոցներ են վերանորոգվելու, ներառված են չորս փողոցներ՝ Հանեսօղլյան փողոցը, Աճեմյան փողոցը, որի վրա գտնվում է Ալբերտ Մկրտչյանի «Մեր մանկության տանգո» հայտնի ֆիլմի «Վառեմ-մարեմ»-ի շենքը, Տերյան փողոցից դեպի Նալբանդյան փողոց տանող հատվածը՝ ռուսական «Պլպլան ժամ» ընկած մասը, ինչպես նաև Ջիվանու փողոցի Սլաբոդկա թաղամասում գտնվող հատվածը։

Նշենք, որ Ջիվանու փողոցում է գտնվում նաև Գյումրու քաղաքապետ Սամվել Բալասանյանի տունը, գարեջրի գործարանը։

ՀՀ տարածքային զարգացման հիմնադրամի ծրագիրը քննարկման վերջնական փուլում է, բայց գրեթե հաստատված է․ այս մասին Factor.am-ին տեղեկացրեց Շիրակի մարզպետարանի քաղաքաշինության վարչության տրանսպորտի և ճանապարհաշինության բաժնի պետ Խաչատուր Խնձրցյանը։

Գյումրիում քաղաքի զարգացման ծրագրերը թվարկելիս՝ ՀՀ տարածքային կառավարման և ենթակառուցվածքների նախարարի պաշտոնակատար Սուրեն Պապիկյանը ևս հայտարարեց, որ քաղաքի պատմական միջուկի շինարարությունը շարունակվելու է, վերականգնվելու է հայտնի Սլաբոդկա թաղամասը։

«Ծրագիրը գլոբալ է, միայն Սլաբոդկա թաղամասով չէ։ Վեց բաղադրիչ ունի․ ասֆալտապատվելու են նաև Խանջյան, Չայկովսկու փողոցները, Բարեկամության այգու հատվածը»,- տեղեկացրեց Խաչատուր Խնձրցյանը։

Գյումրու քաղաքապետ Սամվել Բալասանյանն էլ մեզ հետ զրույցում ասաց, որ Գյումրու փողոցաշինական ծրագրերը չեն ընդհատվել, անգամ համավարակի ու պատերազմի ժամանակ էլ շարունակվել են։ Ըստ քաղաքապետի՝ միայն ՎԶԲ ծրագրով 12 կիլոմետր ճանապարհ են վերանորոգում: «Մենք անցած տարվանից ունենք ՎԶԲ ծրագրի 1-ին Տրանշով որոշ փողոցներ, որոնք հիմա վերանորոգում ենք, շուտով կսկսենք ասֆալտապատել։ Այդ փողոցները «Կումայրի» արգելոցի ուղիղ կենտրոնում են՝ Տերյան փողոցից մինչև Գորկի փողոց և Մուսայելյանից մինչև Հաղթանակի պողոտա։ Այդ քառակուսին մենք լրիվ ասֆալտապատում ենք՝ բոլոր ենթակառուցվածքները փոխելով․ ջրամատակարարում, ջրահեռացումը»,- ասաց քաղաքապետը։

Շիրակի տուրիզմի զարգացման և հետազոտության կենտրոնի հանրային կապերի պատասխանատու Լիզա Գասպարյանն էլ մեզ հետ զրույցում հայտնեց, որ ժամանակի ականավոր դեմքերն են ապրել այս թաղամասում:

«Տժվժիկ» պատվածքի հեղինակ Ատրպետի առանձնատունն է այստեղ, Յուզբաշովների եկամտաբեր տունը, «Հեղնար աղբյուր» պատմվածքի հեղինակ Մկրտիչ Արմենի առանձնատունը։ Այսինքն՝ այդ հատվածը ևս շատ հետաքրքիր և գրավիչ է զբոսաշրջության առումով։ Սա տուրիզմի զարգացմանը նպաստող է, Գյումրին նոր էջով ներկայացնելու միջոց է»,- ասաց Լիզա Գասպարյանը։

Սլաբոդկա թաղամասում է գտնվում նաև 1837 թվականին Ալեքսանդրապոլ այցելած Ռուսաստանի ցար Նիկոլայ 1-ի և նրա տիկնոջ՝ Ալեքսանդրա Ֆեոդորովնայի կողմից հիմնադրված կանանց «Օլգյան» վարժարանը, որտեղ հիմա գործում է Գյումրիի թիվ 6-րդ դպրոցը։

Արմիկ Մովսիսյան