30.06.2026 | 10:26
Մոնակոյում բնակելի շենքում պայթյուն է որոտացել․ ուկրաինացի գործարար է վիրավորվել
Իրանական երկու ռազմանավ առաջին անգամ մտել է Ատլանտյան օվկիանոս
Քաղաքականություն
11.06.2021 | 15:06
Իրանական բանակի համակարգողի տեղակալ, փոխծովակալ Հաբիբոլլահ Սայարին հայտնել է, որ Իրանի երկու ռազմանավեր առաջին անգամ մտել են Ատլանտյան օվկիանոս: Նրա խոսքով՝ հայրենական արտադրության «Մակրան» ուղղաթիռակիրը և «Սահանդ» ականակիրը, որոնք մայիսի 10-ին լքել են Իրանի հյուսիսում գտնվող Բենդեր-Աբբաս նավահանգիստը, հասել են Ատլանտյան օվկիանոս՝ չմտնելով այլ երկրների նավահանգիստներ, գրում է EurAsia Daily-ն։
«Մենք կարծում ենք, որ մեր ներկայությունը միջազգային ջրերում Իրանի Իսլամական Հանրապետության ռազմածովային ուժերի անքակտելի ռազմավարական իրավունքն է, և մենք կշարունակենք գնալ այդ ճանապարհով նույն վճռականությամբ»,- ասել է նա։
Նավերը կշարունակեն իրենց ընթացքը դեպի Ատլանտյան օվկիանոսի հյուսիսային մաս, ինչը կդառնա երկրի ամենաերկար ծովային առաքելությունը, հավելել է նա։
Ի դեպ, արևմտյան ԶԼՄ-ները պնդում են, որ իրանական նավատորմի նշանակման վայրը Վենեսուելան է։ Ավելի վաղ էլ Politico-ն հայտնել է, որ «Ջո Բայդենի վարչակազմը կոչ է անում Վենեսուելային ու Կուբային՝ հետ դարձնել երկու իրանական ռազմանավերը, որոնք, ինչպես ենթադրվում է, զենք են տեղափոխում Կարակասի համար»։
Տաթև Ֆռանգյան
