25.09.2026 | 11:29
Հիանալի բարեկամություն, արդար մրցակցություն, ԱԲ-ի վերահսկողություն. Սի Ցզինպինի ու Թրամփի հանդիպման առանցքային կետերի հետքերով
Լիբանանահայ գերի Վիգեն Էուլջեքչյանը Բաքվի դատարանին խնդրել է արդարացնել իրեն․ ԼՈՒՍԱՆԿԱՐՆԵՐ
Քաղաքականություն
11.06.2021 | 12:13
Բաքվի ռազմական դատարանում այսօր շարունակվել է լիբանանահայ ռազմագերի Վիգեն Էուլջեքչյանի շինծու քրեական գործով դատավարությունը։
Ադրբեջանական լրատվամիջոցներւ հաղորդմամբ՝ դատավոր Էլբեյ Ալլահվերդիևի նախագահությամբ ընթացող նիստում մեղադրյալի փաստաբանը հանդես է եկել ելույթով, որում նրա համար արդարացնող դատավճիռ է խնդրել։ Այնուհետև վերջին խոսքի հնարավորություն է տրվել Վիգեն Էուլջեքչյանին, որը խնդրել է արդարացնող վճիռ կայացնել։
Դատարանը հեռացել է խորհրդակցական սենյակ՝ դատավճիռ կայացնելու։ Այն կհրապարակվի հունիսի 14-ին։
Նշենք, որ հունիսի 8-ին կայացած դատական նիստում մեղադրող դատախազը պահանջել էր հայ ռազմագերուն 20 տարվա ազատազրկման դատապարտել։
Հիշեցնենք՝ Բաքուն շինծու քրեական գործ է հարուցել Վիգեն Էուլջեքչյանի նկատմամբ՝ նրան մեղադրելով վարձկանության մեջ։ 2020 թվականի սեպտեմբերի 29-ին Բեյրութում բնակվող Էուլջեքյանը, իբր, ընդունել է Հովակ Կիկիյանի առաջարկը՝ մասնակցել ռազմական գործողություններին որպես «վարձկան»՝ 2․500 դոլար վարձատրության դիմաց։ Այսպիսի շինծու գործերով Բաքուն ցանկանում է խոչընդոտել հայ գերիների վերադարձին։
Էմմա Չոբանյան
