03.03.2026 | 23:33
«Դա ձեզ համար Ուինսթոն Չերչիլը չէ». Թրամփը հայտարարել է, որ հատկապես դժգոհ է Մեծ Բրիտանիայի արձագանքից
Լևոն Տեր-Պետրոսյանը մանրամասնում է, թե ինչ է խոսել Փաշինյանի հետ 2018-ի հանդիպմանը. ՏԵՍԱՆՅՈՒԹ
Քաղաքականություն
10.06.2021 | 14:39
ՀՀ առաջին նախագահ Լևոն Տեր-Պետրոսյանն այսօր հրավիրվածասուլիսում հերքեց վարչապետի պաշտոնակատար Նիկոլ Փաշինյանի այն հայտարարությունը, թե դեռ 2018-ի ամռանը՝ հանդիպման ժամանակ, Տեր-Պետրոսյանն ասել է` հողերը պետք է տաս, այլ տարբերակ չկա։
«Նիկոլ Փաշինյանին պետք է ասեք՝ ցո՛ւյց տուր այդ մասին ձայնագրությունը: Իր տանն եմ եղել, հաստատ ձայնագրել է նա, թող ցույց տա։
Երկրորդ՝ ինձ միշտ մտահոգել է ԼՂ հարցը՝ թե՛ Քոչարյանի, թե՛ Սարգսյանի, թե Փաշինյանի օրոք:
Ես Փաշինյանին ասել եմ հետևյալը՝ քո առաջին գործը պետք է լինի ֆիքսել այն ժառանգությունը Ղարաբաղի հարցում, որ ստացել ես Սերժ Սարգսյանից՝ փաստաթղթով:
Փաշինյանը հարցրեց, թե ինչ ձևով դա պետք է ֆիքսել: Ես էլ ասել եմ՝ հիմա կթելադրեմ, նամակ կգրես՝ ուղղված ԱԳ նախարարին. «Պահանջում եմ երկու օրվա ընթացքում ներկայացնել Ղարաբաղյան խնդրի կարգավորման իրավիճակը Սերժ Սարգսյանի օրվա դրությամբ»,- պատմեց Տեր-Պետրոսյանը և հավելեց, որ նաև ասել է, եթե դրանից հետո ավելի լավ լուծում կբերի Փաշինյանը, դա կլինի իր պատիվը, եթե ավելի վատ լուծում կբերի, կլինի իր խայտառակությունը:
Տեր-Պետրոսյանը նշեց, որ նույն քայլն էլ ինքն է արել 2008-ին, երբ որոշել էր իր թեկնածությունն է դնել:
Տեր-Պետրոսյանը վստահեցրեց` Փաշինյանի հետ միայն այդ մասին են խոսել` ուրիշ խոսակցություն չի եղել։
Մանրամասները՝ տեսանյութում:
