18.12.2025 | 23:24
ՀՀ տարածքում ավտոճանապարհները հիմնականում անցանելի են
Ես միշտ կողմ եմ համերաշխության և կոալիցիաների. Լևոն Տեր-Պետրոսյան. ՏԵՍԱՆՅՈՒԹ
Քաղաքականություն
10.06.2021 | 14:18
Հայ Ազգային Կոնգրեսի նախագահ, ՀՀ Առաջին նախագահ Լևոն Տեր-Պետրոսյանն այսօր հրավիրված ասուլիսում անդրադառնալով Factor.am-ի դիտարկմանը, որ հասարակության մեջ կա կարծիք, թե Ռոբերտ Քոչարյանը, Սերժ Սարգսյանը և Նիկոլ Փաշինյանը ասպարեզ են եկել իր շնորհիվ և հարցին, թե ափսոսո՞ւմ է դրա համար՝ նշեց. «Ի՞նչ է նշանակում իմ շնորհիվ, ես ո՛չ իրենց ծնողն եմ, ո՛չ էլ իրենց ծնողական ժողովի նախագահը: Իրենք իրենց ուժերով դարձել են այդպիսի դեմքեր. ես չեմ ծնել ոչ մեկին»:
Անդրադառնալով Factor.am-ի հարցին, թե արդյոք դեռևս իրատեսական է համարում համագործակցությունը ՀՀ երկրորդ և երրորդ նախագահների հետ, Տեր-Պետրոսյանը նշեց, որ իր համագործակցության առաջարկն արդեն մերժվել է և այլևս դրան վերադառնալ հնարավոր չէ: «Ուրիշ բան, եթե խորհրդարանում ստեղծվի այսպիսի իրավիճակ՝ մենք էլ անցնենք, Նիկոլն էլ, Ռոբերտն էլ, ուրիշներն էլ, և որևէ մեկը մեծամասնություն չունենա, ստիպված պետք է գնալ կոալիցիաներ ձևավորելու: Մենք կնայենք, կտեսնենք, ես միշտ կողմ եմ համերաշխության և կոալիցիաների, թեև Հայաստանի համար նոր պրոբլեմներ ստեղծելու երևույթ է կոալիցիա կոչեցյալը, որը կարող է 6 ամիսը մեկ փոխվել, և կընկնենք այն երկրների շարքը, որոնք տարին մեկ-երկու-երեք կառավարություն են փոխում: Վատ տաբերակ է, բայց եթե ուրիշ ելք չլինի, իհարկե, պիտի փորձենք:
