19.05.2026 | 18:51
Բելառուսը մտադիր է մասնակցել Արցախի տարածքներում նախագծերին
ՌԴ-ն վերականգնում է Հայաստանի հետ ավիահաղորդակցությունը
Քաղաքականություն
09.06.2021 | 15:47
Ռուսաստանը վերականգնում է մի շարք երկրների հետ ավիահաղորդակցությունը։ ՌԴ ԱԳՆ-ն հրապարակել է այդ երկրների ցուցակը, որոնց թվում կա նաև Հայաստանը։
Ցուցակում ներառված են նաև Ադրբեջանը, Բելառուսը, Եգիպտոսը, Հնդկաստանը և մի շարք այլ երկրներ։ Հայտարարության մեջ նշվում է, որ ավիահաղորդակցությունը շարունակում է դադարեցված մնալ Թուրքիայի ու Տանզանիայի հետ։
Հիշեցնենք՝ Ռուսաստանը հայտարարել էր, որ կորոնավիրուսի դեպքերի աճի պատճառով ապրիլի 15-ից մինչև հունիսի 21-ը դադարեցնում է Թուրքիայի հետ ավիահաղորդակցությունը՝ ինչպես կանոնավոր, այնպես էլ չարթերային չվերթները։Թռիչքների կասեցման որոշումը լրջորեն անդրադարձել է Թուրքիայի զբոսաշրջային շուկայի վրա, որը մեծապես կախված է Ռուսաստանից:
Արդեն իսկ հրապարակվում են, որ 2021 թվականի ապրիլից հունիս ամիսներին Թուրքիա էին պլանավորել այցելել և չեն այցելել շուրջ մեկ միլիոն ռուս զբոսաշրջիկներ։ Չնայած ռուսական կողմը պնդում է, որ Թուրքիայի հետ ավիահաղորդակցության դադարեցումը չունի քաղաքական ենթատեքս, սակայն հարկ է նկատել, որ Ռուսաստանը վերականգնել է կորոնավիրուսային համաճարակի ճիրաններում հայտնված Հնդկաստանի հետ ավիահաղորդակցություն, սակայն Անկարայի հետ չի վերականգնել դեռևս։
Տաթև Ֆռանգյան
