30.06.2026 | 11:02
NYMEX. Թանկարժեք մետաղների գները նվազել են
Առողջապահության նախարարի հրամանը՝ COVID-19-ի դեմ պատվաստումից հետո առաջացած հետպատվաստումային անբարեհաջող դեպքերի հետ կապված
09.06.2021 | 14:24
Առողջապահության նախարարի պաշտոնակատար Անահիտ Ավանեսյանը հունիսի 4-ին հրաման է ստորագրել կորոնավիրուսային հիվանդության (COVID-19) դեմ պատվաստումից հետո առաջացած հետպատվաստումային անբարեհաջող դեպքերի (ՀԱԴ) կորոնավիրուսային հիվանդության նկատմամբ պոլիմերազային շղթայական ռեակցիայի (ՊՇՌ) մեթոդով հետազոտություն իրականացնելու վերաբերյալ։
Հրամանում մասնավորապես ասված է․
«1. Առողջապահության նախարարության «Հիվանդությունների վերահսկման և կանխարգելման ազգային կենտրոն» պետական ոչ առևտրային կազմակերպության (այսուհետ՝ «ՀՎԿ ԱԶԳԱՅԻՆ ԿԵՆՏՐՈՆ» ՊՈԱԿ) գլխավոր տնօրեն Արտավազդ Վանյանին, սահմանված կարգով ապահովել.
1) կորոնավիրուսային հիվանդության (COVID-19) դեմ պատվաստումից հետո առաջացած ՀԱԴ-երի՝ (թրոմբոցիտոպե նիա, արյան մակարդելիության խանգարումներ, արտահայտված հևոց, դժվարաշնչություն, ցավ կրծքավանդակի շրջանում, կոմատոզ վիճակ, վերջույթների այտուց, վերջույթների ցիանոզ, վերջույթների ցանավորում, ցավ հոդերում, այտուց հոդերում, գլխապտույտ, արում, հեմոռագիկ վասկուլիտի նշաններ, արտահայտված տախիկարդիա, մարմնի թմրածություն, վերջույթների թուլություն, սուր շնչական ծանր վարակի ախտանշաններ՝ մկանացավ, հոդացավ, ընդհանուր թուլություն, ինչպես նաև պատվաստումից հետո 14 օրվա ընթացքում 3 օր և ավելի տևող ջերմության բարձրացում և այլն) կորոնավիրուսային հիվանդության նկատմամբ ՊՇՌ մեթոդով հետազոտությունների իրականացումը:
2. Հայաստանի Հանրապետության մարզպետարանների առողջապահության և սոցիալական ապահովության վարչության պետերին, Երևանի քաղաքապետարանի աշխատակազմի առողջապահության վարչության պետ Կամսար Բաբինյանին (համաձայնությամբ), բժշկական օգնություն և սպասարկում իրականացնող կազմակերպությունների տնօրեններին, ապահովել.
1) Կորոնավիրուսային հիվանդության (COVID-19) դեմ պատվաստումից հետո առաջացած ՀԱԴ-երի (թրոմբոցիտոպենիա, արյան մակարդելիության խանգարումներ, արտահայտված հևոց, դժվարաշնչություն, ցավ կրծքավանդակի շրջանում, կոմատոզ վիճակ, վերջույթների այտուց, վերջույթների ցիանոզ, վերջույթների ցանավորում, ցավ հոդերում, այտուց հոդերում, գլխապտույտ, խոսակցության խանգարում, հեմոռագիկ վասկուլիտի նշաններ, արտահայտված տախիկարդիա, մարմնի թմրածություն, վերջույթների թուլություն, սուր շնչական ծանր վարակի ախտանիշներ՝ մկանացավ, հոդացավ, ընդհանուր թուլություն, ինչպես նաև պատվաստումից հետո 14 օրվա ընթացքում 3 օր և ավելի տևող ջերմության բարձրացում և այլն) կորոնավիրուսային հիվանդության նկատմամբ ՊՇՌ մեթոդով հետազոտության համար նմուշառումը և նմուշի տեղափոխումը «ՀՎԿ ԱԶԳԱՅԻՆ ԿԵՆՏՐՈՆ» ՊՈԱԿ»:
Հրամանի կատարման հսկողությունը հանձնարարվել է Առողջապահության նախարարի առաջին տեղակալ Լենա Նանուշյանին:
