07.11.2024 | 23:07
Պուտինը շնորհավորել է Թրամփին
Եվրոպոլը մի քանի մայրցամաքներում լայնամասշտաբ օպերացիաներ է իրականացրել․ 800 հանցագործ է ձերբակալվել
Քաղաքականություն
08.06.2021 | 21:09
Եվրոպական ոստիկանական գործակալությունը (Եվրոպոլը) հայտնել է մի քանի մայրցամաքներում լայնամասշտաբ օպերացիաների հաջող իրականացման մասին, որոնք ուղղված են եղել կազմակերպված հանցավորության դեմ։ Դրանց ընթացքում 16 երկրներում ձերբակալվել է ավելի քան 800 կասկածյալ, հայտնել է Եվրոպոլի ներկայացուցիչ Ֆիլիպ Լեկուֆը Հաագայում մամլո ասուլիսի ժամանակ, գրում է DW-ի ռուսական ծառայությունը։
Եվրոպայում, Նոր Զելանդիայում, Ավստրալիայում ու ԱՄՆ-ում ավելի քան 700 խուզարկություն է իրականացվել, դրանց շրջանակում առգրավվել է, ընդհանուր առմամբ, ավելի քան 30 տոննա թմրանյութ, այդ թվում՝ ավելի քան 8 տոննա կոկաին, զենք ու կանխիկ գումար։
«Տրոյան վահան» ծածկանվամբ օպերացիայի շրջանակում Եվրոպոլի կողմից համակարգվող հետաքննությունն իրականացվել է 16 երկրների պրոֆիլային գերատեսչությունների մասնակցությամբ։
Հետաքննությունը հիմնված է եղել կրիպտոհեռախոսներով խոսակցությունների գաղտնալսման վրա, հայտնել է ԱՄՆ Հետաքննությունների դաշնային բյուրոյից Քալվին Շիվերսը։
Նրա խոսքով՝ ավելի քան 100 երկրում հաջողվել է շուրջ 300 հանցավոր խմբավորումների շարքում տարածել գաղտնալսումից պաշտպանված հեռախոսներ։ Այնուհետև 18 ամիսների ընթացքում դրանց միջոցով իրականացվել է հեռախոսազրույցների գաղտնալսում ու վերահսկվել է հաղորդակցությունների այլ տեսակները ևս։ Մասնավորապես, ստուգվել է ավելի քան 27 միլիոն էլեկտրոնային հաղորդագրություն։
Տաթև Ֆռանգյան
