14.09.2026 | 21:13
Oգոստոսի կլիմայական պայմանները Հայաստանում
Թուրքական ընկերությունը պատրաստ է «Նամախվանի»-ի ՀԷԿ-ի կառուցման հարցում օգնել գտնել փոխզիջումային որոշում
Քաղաքականություն
08.06.2021 | 13:36
Վրաստանի արևմուտքում «Նամախվանի»-ի ՀԷԿ-ի կառուցման հարցում թուրքական ENKA ներդրող ընկերությունը պատրաստ է օգնել՝ գտնել առավելագույնս փոխզիջումային որոշում։ Sputnik Georgia-ի հաղորդմամբ՝ այս մասին ասել է Վրաստանի էկոնոմիկայի ու տնտեսական զարգացման նախարար Նաթիա Թուրնավան։
Ռիոնի կիրճում թուրքական ընկերության կողմից կառուցվող «Նամախվանի» ՀԷԿ-ի կառուցման հակառակորդների բողոքի ցույցերն արդեն շարունակվում են 7 ամիս՝ 224 օր։ Քութաիսիում մի շարք ակցիաներ իրականացնելուց հետո ցուցարարները մայիսի 23-ին եկել են Թբիլիսի։ Վերջնագրի տեսքով նրանք կառավարությանը մի շարք պահանջներ են ներկայացրել, որոնք այդպես էլ կյանքի չեն կոչվել, ինչից հետո բողոքի ցույցերը շարունակվել են Ռիոնի կիրճում։
«Ես հաճախ եմ անձամբ կապվում ENKA-ի ղեկավարության հետ։ Իհարկե, խոսակցության հիմնական թեման ԵՄ ղեկավարությամբ միջնորդական գործընթացն է, որը կսկսվի մոտ օրերս։ Ներդրողները լիակատար կերպով պատրաստ են օգնել՝ գտնել առավելագույնս փոխզիջումային որոշում։ Առավել ևս, որ նրանք արդեն գնացել են զգալի փոխզիջումների, ես նկատի ունեմ ամբարտակի կառուցման հետաձգումը, կիրճի զարգացման համար լրացուցիչ ֆոնդի ստեղծումը, բոլոր հետազոտություններին բաց հասանելիությունը»,- լրագրողներին ասել է Թուրնավան։
Տաթև Ֆռանգյան
