30.06.2026 | 11:02
NYMEX. Թանկարժեք մետաղների գները նվազել են
Մեկնարկել է ԱՄՆ Պետքարտուղարի օգնականի այցը տարածաշրջան
Քաղաքականություն
07.06.2021 | 16:36
Եվրոպայի ու Եվրասիայի հարցերով ԱՄՆ պետքարտուղարի օգնական Ֆիլիպ Ռիքերն այսօր ժամանում է Վրաստան, գրում է «Գրուզիա օնլայն»-ը։
Դեսպանության տարածած տեղեկության համաձայն՝ այցի շրջանակներում պաշտոնական հանդիպումներ տեղի կունենան հունիսի 7-ին։
Տեղեկացվում է, որ Ֆիլիպ Ռիքերը մամուլի ազատության թեմայով նախ հանդիպումներ կանցկացնի փաստաբանական խմբերի հետ։
Նախատեսված են հանդիպումներ Վրաստանի պաշտպանության նախարար Ջումբեր Բուրչուլաձեի և Վրաստանի վարչապետ Իրակլի Ղարիբաշվիլիի հետ:
Տեղեկացվում է, որ Ռիքերը հանդիպումներ կունենա նաև ընդդիմադիր կուսակցությունների առաջնորդների հետ։
Ինչպես հայտնի է, Վրաստանից բացի Ֆիլիպ Ռիքերը կայցելի նաև Հայաստան ու Ադրբեջան։ ԱՄՆ Պետդեպարտամենտի հայտարարության համաձայն՝ նրա այցի նպատակները երկկողմ ու տարածաշրջանային առաջնահերթությունների զարգացումն է, ինչպես նաև ԱՄՆ կողմից տարածաշրջանի ժողովրդավարական ու տնտեսական զարգացմանը աջակցություն հայտնելը։
Տաթև Ֆռանգյան
