18.01.2026 | 21:30
Վահագն Խաչատուրյանն այցելել է Ժնևի Սուրբ Հակոբ եկեղեցի
2019 թ. Ուհանի լաբորատորիայում խորհրդավոր հիվանդության բռնկում է գրանցվել․ Չինաստանը չի հրապարակում հիվանդների բժշկական տվյալները․ FT
Քաղաքականություն
04.06.2021 | 16:48
ԱՄՆ ալերգիկ ու ինֆեկցիոն հիվանդությունների ազգային ինստիտուտի տնօրեն Էնթոնի Ֆաուչին կոչ է արել Չինաստանին պարզաբանել 2019 թ. Ուհանի լաբորատորիայում խորհրդավոր հիվանդության բռնկումը։ Նրա խոսքերն է մեջբերում Financial Times թերթը։
Հրատարակչությունը նշում է, որ 2012 թվականին 6 հանքափոր հիվանդացել է անհայտ հիվանդությամբ այն բանից հետո, ինչ մտել են չղջիկներով լցված քարանձավ։ Նրանցից 3-ը մահացել է։ Այդ ժամանակ Ուհանի վիրուսոլոգիայի ինստիտուտի գիտնականներն այցելել են քարանձավ ու վիրուսի նմուշներ են վերցրել։ 2019 թվականի նոյեմբերին ինստիտուտի 3 աշխատակից ևս հիվանդացել է խորհրդավոր հիվանդությամբ։
Ֆաուչիի կարծիքով՝ բոլոր 9 հիվանդների բժշկական տվյալների հրապարակումը թույլ կտա լույս սփռել կորոնավիրուսի ծագման վրա։ «Այդ մարդիկ վարակվա՞ծ են եղել վիրուսով։ Միանգամայն հնարավոր է, որ SARS-CoV-2-ը ծագել է հենց այդ քարանձավում կա՛մ սկսել են տարածվել բնական ճանապարհով, կա՛մ լաբորատորիայից արտահոսք է տեղի ունեցել»,- ենթադրել է ինֆեկցիոնիստը։
Ֆաուչիի հայտարարությունը եղել է այն կասկածների ֆոնին, որ կորոնավիրուսային համաճարակը հնարավոր է եղել է Ուհանի լաբորատորիայից վիրուսի արտահոսքի արդյունք: Մայիսի 20-ին ԱՄՆ-ը հայտարարեց, որ կան «լուրջ կոմնակի ապացույցներ» այն մասին, որ SARS-CoV-2 կորոնավիրուսի առաջին բռնկումը տեղի է ունեցել չինական հետազոտական լաբորատորիայից արտահոսքի հետևանքով:
Իրենց հերթին, Չինաստանի իշխանությունները մատնանշում են կորոնավիրուսի արտահոսքի հավանականությունը Ֆորտ- Դետրիկ ռազմական լաբորատորիայից: Պեկինը նույնիսկ դիմել է Առողջապահության համաշխարհային կազմակերպությանը (ԱՀԿ)՝ միջազգային հետաքննություն անցկացնելու խնդրանքով։
Տաթև Ֆռանգյան
