09.06.2026 | 00:17
Մարկո Ռուբիոն շնորհավորել է Փաշինյանին
Զախարովան գնահատել է ռուս խաղաղապահների ջանքերը Լեռնային Ղարաբաղում
Քաղաքականություն
03.06.2021 | 17:44
Ռուս խաղաղապահների դերը Լեռնային Ղարաբաղում դժվար է գերագնահատել։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան, հաղորդում է ՌԻԱ Նովոստին։
Նա նշել է, որ ԼՂ-ի շուրջ իրավիճակի կարգավորման համար ամենօրյա աշխատանք է տարվում։
«Անցկացվում են խորհրդակցություններ, բանակցություններ ԱԳ նախարարների հետ։ ԱԳՆ-ի ու դեսպանությունների միջոցով մենք համագործակցում ենք գրեթե ամեն օր։ Հեռախոսազրույցների մասին հաղորդագրություններն արտաքին գերատեսչությունների ղեկավարների՝ ինչպես Ադրբեջանի, այնպես էլ Հայաստանի հետ հրապարակվում են կանոնավոր կերպով։ Մեծ ջանքեր են գործադրվում մեր կողմից՝ իրավիճակի լուծման համար ինչպես թեժ, այնպես էլ հակամարտության հետագա փուլում»,- ասել է Զախարովան։
Նա հավելել է, որ խոսքը ոչ միայն քաղաքական, այլև դիվանագիտական, երկրի ղեկավարների անձնական ջանքերի մասին է։
«Եվ, իհարկե, մեր խաղաղապահների դերի մասին, որոնք ամեն օր ներդնում են իրենց ուժը, հոգին և հմտությունները, արհեստավարժությունը, հմտությունները ՝ իրավիճակը շտկելու համար, և որպեսզի արդեն քաղաքական գործիչները, դիվանագետները, հասարակական գործիչները կարողանան կատարել իրենց գործառույթները: Հետևաբար, ռուս խաղաղապահների դերն այս դեպքում հնարավոր չէ գերագնահատել»,- եզրափակել է Զախարովան։
Էմմա Չոբանյան
