19.05.2026 | 11:42
Սոնա Մնացականյանի մահվան գործով դատավճիռը մնաց ուժի մեջ. Վերաքննիչ դատարանը մերժեց բողոքը
Նման պատկեր միայն այդտեղ է եղել, մասնավոր դեպք է․ փոխնախարարը՝ դիերի պահման պայմանների մասին. ՏԵՍԱՆՅՈՒԹ
Հասարակություն
03.06.2021 | 12:23Լուրեր
19.05.2026 | 11:31
Հրապարակվել է Սոնա Մնացականյանի վրաերթի գործով Վերաքննիչ դատարանի որոշումը. ՈՒՂԻՂ
19.05.2026 | 11:30
Ռուսական զորքերը հարվածել են Ուկրաինայի մի քանի շրջանների. զոհեր և վիրավորներ կան
ՀՀ առողջապահության փոխնախարար Գևորգ Սիմոնյանը՝ ԱԺ-ում պատգամավորների հարցերին ի պատասխան անդրադառնալով Աբովյանի Դատաբժշկական, գիտագործնական կենտրոնի միջադեպին՝ նշեց, որ զինվորականների աճյունների հանդեպ վերաբերմունքի առնչությամբ արդարացում չի տեսնում, սակայն վստահեցնում է, որ դա մասնավոր դեպք է, այլ տեղերում նման պատկեր չկա:
Փոխնախարարը տեղեկացրեց, որ լուսանկարները հրապարակվելու օրը նախարարությունը հրատապ կարգով բոլոր դիահերձարաններ մարդիկ է ուղարկել՝ օպերատիվ իրավիճակը գնահատելու: «Իրավիճակը գնահատվել է, և կարող եմ պատասխանատվությամբ ասել, որ նման պատկեր միայն այդտեղ է եղել, դա մասնավոր դեպք է եղել: Դեպքը եղել է տեխնիկական օբյեկտիվ պատճառների արդյունքում, բայց, բնականաբար, տեխնիկական խնդիրը չէր նշանակում, որ նման լուծում պետք է տրվեր այդ հարցին: Սառնարանի կահավորման խնդիր է եղել, ժամանակավոր տեղափոխություն են արել, և նման պատկեր ենք ունեցել, ինչն անթույլատրելի է: Մնացած տեղերի մասով, պատասխանատվությամբ ասում եմ, նման պատկեր չկա, նման խնդիր չի կարող լինել»,- ասաց Սիմոնյանը:
Հիշեցնենք՝ համացանցում լուսանկարներ էին հայտնվել, թե ինչպես են պատերազմում զոհված զինծառայողների դիերը Աբովյանի դիահերձարանում պահվել ոչ պատշաճ պայմաններում: Փաստի առթիվ հարուցվել է քրեական գործ:
Մանրամասները՝ տեսանյութում:
