07.02.2026 | 13:45
Երևանում փոշու պարունակությունը գերազանցել է սահմանային թույլատրելի կոնցենտրացիան
Ապրիլից հունիս շուրջ մեկ միլիոն ռուս զբոսաշրջիկներ չեն այցելել Թուրքիա
Քաղաքականություն
02.06.2021 | 20:44
Ռուսաստանի զբոսաշրջության հարցերով դաշնային գործակալության ղեկավար Զարինա Դոգուզովան հայտարարել է, որ 2021 թվականի ապրիլից հունիս ամիսներին Թուրքիա էին պլանավորել այցելել շուրջ մեկ միլիոն ռուս զբոսաշրջիկներ, գրում է «Գազետա»-ն։
«Ես՝ որպես պրոֆիլային գերատեսչության ղեկավար, առանձնահատուկ կերպով անհանգստացած եմ այն քաղաքացիների համար, որոնք արդեն գնել են դեպի Թուրքիա ուղեգրերը և գումարը վճարել են։ Մենք քաղաքացիների հանդեպ շուրջ 30 միլիարդ ռուբլու պարտավորություն ունենք»,- ասել է Ռոստուրիզմի ղեկավարը։
Հիշեցնենք՝ Ռուսաստանը հայտարարել էր, որ կորոնավիրուսի դեպքերի աճի պատճառով ապրիլի 15-ից մինչև հունիսի 21-ը դադարեցնում է Թուրքիայի հետ ավիահաղորդակցությունը՝ ինչպես կանոնավոր, այնպես էլ չարթերային չվերթները։
Տաթև Ֆռանգյան
