31.07.2026 | 14:30
Այն ուժերը, որոնք անցել են խորհրդարան, շատ խոցելի են, իշխող ուժը օգտագործելու է դա․ Գրիգորյան․ ՏԵՍԱՆՅՈւԹ
ԵՄ-ում սկսել է գործել Միասնական եվրոպական դատախազությունը
Քաղաքականություն
02.06.2021 | 14:12
Եվրամիությունում հունիսի 1-ին սկսել է գործել Միասնական եվրոպական դատախազությունը (EPPO, European Public Prosecutor’s Office), որի խնդիրն է ներդրումների վատնման, կոռուպցիայի, փողերի լվացման ու ԵՄ միջոցների ապօրինի յուրացման դեպքերի բացահայտումն ու պատասխանատվության ենթարկումը։ Բացի այդ, այն պետք է պայքարի ԱԱՀ-ի հետ կապված անդրսահմանյան խարդախությունների դեմ։ Դատախազությունը կկարողանա սեփական հետախուզությունն իրականացնել ազգային մակարդակով, ձերբակալման օրդեր հանձնել ու մեղադրանք ներկայացնել, գրում է DW-ի ռուսական ծառայությունը։
Արդարադատության հարցերով ԵՄ հանձնակատար Դիդյե Ռեյնդերսը կարևոր խնդիր է համարել ԵՄ հիմնադրամից կորոնավիրուսի համաճարակի հետևանքների հաղթահարման համար հատկացված 750 միլիարդ եվրո միջոցների պաշտպանությունը։
Լյուքսեմբուրգում տեղակայված գործակալության ղեկավար Լաուրա Կոդրուցա Կյովեշին հայտարարել է, որ սա «պատմական պահ է»: Ըստ նրա՝ նոր մարմինը, որը դարձել է «ԵՄ-ում օրենքի գերակայության պաշտպանության առաջին սուր գործիք», անդամ երկրներում կունենա «բացառիկ քննչական լիազորություններ»:
Տաթև Ֆռանգյան
