18.11.2024 | 23:35
ԵՄ-ն ծրագրում է «քաղաքական առաքելություն» ուղարկել Վրաստան. Բորել
Արտակ Բեգլարյանը Արցախի պետական նախարար է նշանակվել
01.06.2021 | 17:28
Արցախի Հանրապետության նախագահ Արայիկ Հարությունյանը հունիսի 1-ին ստորագրել է հրամանագիր Գրիգորի Մարտիրոսյանին, իր դիմումի համաձայն, պետական նախարար, ֆինանսների նախարարի պաշտոնից ազատելու մասին:
Պետական նախարար է նշանակվել Արտակ Բեգլարյանը՝ ազատվելով Նախագահի աշխատակազմի ղեկավարի պաշտոնից:
Հանրապետության նախագահի մեկ այլ հրամանագրով` փոփոխություն է կատարվել ԱՀ կառավարության կառուցվածքում, համաձայն որի՝ ֆինանսների նախարարն այսուհետ չի իրականացնելու պետական նախարարի լիազորությունները։
Երկրի ղեկավարի ստորագրած հրամանագրով՝ Արցախի Հանրապետության պետական նախարարը համակարգելու է հետևյալ նախարարների գործունեությունը.
1) աշխատանքի, սոցիալական և միգրացիայի հարցերի նախարար.
2) առողջապահության նախարար.
3) արդարադատության նախարար.
4) կրթության, գիտության, մշակույթի և սպորտի նախարար։
