11.10.2026 | 11:03
Երևանում վիճաբանության ժամանակ հրազեն է գործի դրվել․ կա երեք վիրավոր
Ղրիմի թաթարների մեջլիսի ղեկավարին Ղրիմում հեռահար կերպով դատապարտել են 6 տարվա ազատազրկման
Քաղաքականություն
01.06.2021 | 20:08
Ռուսաստանի կողմից անեքսիայի ենթարկված Ղրիմի գերագույն դատարանը հունիսիս 1-ին հեռահար կերպով դատապարտել է 6 տարվա ազատազրկման ղրիմի թաթարների մեջլիսի ղեկավար, Գերագույն ռադայի նախկին պատգամավոր Ռեֆատ Չուբարովը։ Նրան մեղավոր են ճանաչել Սիմֆերոպոլում 2014 թվականի փետրվարի 26-ին՝ մինչ Ղրիմի անեքսիան, զանգվածային անկարգություններ կազմակերպելու համար, որոնք, իբրև, ուղեկցվել են բռնությամբ ու գույքի ոչնչացմամբ, գրում է DW-ի ռուսական ծառայությունը։
Չուբարովը տուգանվել է նաև 200 հազար ռուբլով, 200 ժամ հարկադիր աշխատանքով և մեկ տարի ժամկետով զրկվել է «իշխանությունների ներկայացուցչի գործառույթի իրականացման հետ կապված» պաշտոններ զբաղեցնելու իրավունքից, դատարանի դահլիճից հայտնում է «Ինտերֆաքս» -ի թղթակիցը: Նշանակված փաստաբան Ալեքսանդր Օսոկինը հայտնել է, որ բողոքարկելու է դատավճիռը:
Facebook-ի իր էջում Չուբարովը հայտարարել է, որ «դատավճիռը» իրավաբանորեն անվավեր է ու նրանք, ովքեր կապված են դրա նախաձեռնման ու կայացման հետ, իրականում հանցագործներ են, որոնց առջևում սպասվում է արդարացի պատիժ։
Տաթև Ֆռանգյան
