13.01.2026 | 13:56
ՀԷՑ-ը վճարել է մոտ 63,7 տոկոսով ավելի հարկեր և տուրքեր․ Ռոմանոս Պետրոսյան
Վրաստանում գրանցվել է կորոնավիրուսի հարավաֆրիկյան շտամով վարակման դեպք
Քաղաքականություն
01.06.2021 | 18:01
Վրաստանում գրանցվել է կորոնավիրուսի հարավաֆրիկյան շտամով վարակման մեկ դեպք։
Վրաստանի հիվանդությունների վերահսկման ազգային կենտրոնի ղեկավար Ամիրան Գամկրելիձեն միջգերատեսչական համակարգող խորհրդի նիստից հետո հայտնել է, որ հարավաֆրիկյան շտամ է հայտնաբերվել Վրաստանի քաղաքացու մոտ, որը վերադարձել է Դուբայից, հայտնում է «Գրուզիա օնլայնը»։
«Հաստատում եմ, որ լաբորատոր կերպով հաստատվել է, այսպես կոչված, հարավաֆրիկյան շտամի մեկ դեպք։ Առողջապահության համաշխարհային կազմակերպությունը խորհուրդ է տվել, որպեսզի խտրականություն չլինի, չօգտագործել «հարավաֆրիկյան», «հնդկական», «բրիտանական» բառերը, այլ կիրառել դրանց կրճատ տարբերակները։ Այս պարագայում խոսքը գնում է B1351 շտամի մասին, որը հաստատվել է Վրաստանի մի քաղաքացու մոտ։ Նրա կլինիկան վիճակը բավարար է, արդեն ամբողջությամբ առողջացել է, նրա մոտ ոչ մի խնդիր չկա։ Նա ճիշտ ժամանակին մեկուսացվել է»,- հայտարարել է Գամկրելիձեն։
Տաթև Ֆռանգյան
