26.04.2026 | 21:21
Իրավիճակը Մալիում․ մահացել է պաշտպանության նախարարը, երկրում թեժ մարտեր են
Եվրոպացի առաջնորդները բացատրություն են պահանջում ԱՄՆ-ից ու Դանիայից՝ եվրոպացի քաղաքական գործիչների գաղտնալսման գործով
Քաղաքականություն
01.06.2021 | 16:24
Եվրոպացի առաջնորդները բացատրություն են պահանջում ԱՄՆ-ից ու Դանիայից այն հաղորդագրությունների կապակցությամբ, որ այդ երկու երկրները միմյանց հետ փոխգործակցությամբ զբաղվել են եվրոպացի քաղաքական գործիչների, այդ թվում նաև Գերմանիայի կանցլեր Անգելա Մերկելի, գաղտնալսմամբ, գրում է BBC-ի ռուսական ծառայությունը։
Դանիական ԶԼՄ-ների հաղորդմամբ՝ 2012-2014 թվականներին Դանիայի ռազմական հետախուզությունը ԱՄՆ Ազգային անվտանգության գործակալությանը հասանելիություն է տվել Կոպենհագենի մոտերքում գտնվող գաղտնի կայանին, որտեղի կարելի է հասանելիություն ստանալ համացանցային պրովայդերների ստորջրյա մալուխներին։
Այնտեղից գաղտնալսում և ընթերցում էին մի շարք գերմանացի, ֆրանսիացի, շվեդ և նորվեգացի քաղաքական գործիչների էլեկտրոնային հաղորդագրությունները:
«Սա անընդունելի է դաշնակիցների և առավել ևս դաշնակիցների ու եվրոպացի գործընկերների միջև», – ասել է Ֆրանսիայի նախագահ Էմանուել Մակրոնը: Այս տեսակետը կիսում է նաև Մերկելը:
Մինչ այժմ ոչ Դանիայի ռազմական հետախուզությունը, ոչ ԱՄՆ Ազգային անվտանգության գործակալությունը, ոչ էլ երկու երկրների իշխանությունները չեն արձագանքել եվրոպացի առաջնորդների բացատրություն տալու պահանջներին:
Տաթև Ֆռանգյան
