Իրանում ահաբեկչական գործողությունն ավարտվել է մոտ 5 ժամ անց, բոլոր ահաբեկիչները սպանվել են․ կա 12 զոհ, 42 վիրավոր (լուսանկարներ)

15։37

Իրանի խորհրդարանում գտնվող բոլոր 4 ահաբեկիչները սպանվել են: Թեհրանի ժամանակով առավոտյան 10:15-ին սկսված ահաբեկչական գործողությունն ավարտվել է մոտ 5 ժամ անց:
Նշվում է, որ 2 ահաբեկչական հարձակումների հետևանքով զոհվել է 12 մարդ, 42 մարդ վիրավորվել է:

14։14

«Իսլամական պետություն» ահաբեկչական խմբավորումը ստանձնել է Իրանի խորհրդարանի և Իմամ Խոմեյնիի դամբարանի վրա իրականացված հարձակումների պատասխանատվությունը․ հայտնում է Reuters-ը:

13։59

Իրանի խորհրդարանում գտնվող ահաբեկիչներից մեկը պայթեցրել է իրեն․  հայտնում է PressTV-ն։

12։24

Խոմեյնիի դամբարանի մոտ հարձակում գործողներից երկուսն են ձերբակալվել։

12:07

Չհաստատված տեղեկության համաձայն՝ Իրանի խորհրդարանի շենքում 7 մարդ զոհվել է, 4-ը՝  պատանդառվել։ Այս մասին տեղեկացնում է tasnimnews.com-ը։

11։49

Իրանի Mehr գործակալության տարածած հաղորդագրության համաձայն՝ Իրանի խորհրդարանում տեղի ունեցած զինված հարձակման հետևանքով կա մեկ զոհ։ 

11։06

Խոմեյնիի դամբարանի մոտ հարձակում գործողներից մեկը ձերբակալվել է։

11։01

Իմամ Խոմեյնիի դամբարանի մոտ մահապարտ ահաբեկիչ է պայթեցրել  իրեն։

10։55

Կրակոցներ են հնչել նաև Իրանի հարավային հատվածում՝ Իմամ Խոմեյնիի դամբարանի մոտակայքում։ Կան վիրավորներ։ 

Երեք զինյալ կրակ են բացել Իրանի խորհրդարանում հաղորդում է en.farsnews.com-ը։

Ըստ նախնական տվյալների՝ հարձակում գործողը ճանապարհ է բացել դեպի խորհրդարան՝ կրակելով անվտանգության աշխատակիցների վրա։

Իսկ Իրանի Tasnim լրատվական գործակալությունը տեղեկացնում է, որ հարձակման հետևանքով 2 մարդ է վիրավորվել, հնարավոր է՝ պատանդներ կան: Խորհրդարանի շենքում փոխհրաձգություն է։