08.09.2026 | 21:50
Գագիկ Խաչատրյանի միլիարդները մի բանակի ունեցվածք է․ ՀՀ-ի դեմ մեծ հանցագործություն է տեղի ունեցել․ Գուրգեն Սիմոնյան. ՏԵՍԱՆՅՈՒԹ
Բաքուն հայտնում է 2 հայ ռազմագերիների գործը դատարան փոխանցելու մասին
Քաղաքականություն
20.05.2021 | 16:16
Բաքվից հայտնում են, որ Ադրբեջանի գլխավոր դատախազությունը Բաքվի ռազմական դատարանի դիտարկմանն է փոխանցել ՀՀ երկու քաղաքացիների նկատմամբ կայացրած մեղադրական եզրակացությունը. հայտնում է «Ինտերֆաքսի» ադրբեջանական ծառայությունը։
Տեղեկացվում է, որ նրանք 2020 թվականի հոկտեմբերի 3-ին ու հոկտեմբերի 20-ին գերեվարված Ալյոշա Խոսրովյանն ու Լյուդվիկ Մկրտչյանն են։
Հայ ռազմագերիներին մեղադրում են, իբրև թե, «Հայաստանում գերի ընկած ադրբեջանցի զինվորներին խոշտանգելու մեջ»։
Հիշեցնենք՝ հայկական կողմի տարբեր տվյալներով` այսօր Ադրբեջանի տարածքում կա շուրջ 200 հայ ռազմագերի։ Մինչ այժմ Հայաստան է վերադարձվել 72 գերի, ազատ է արձակվել և Բեյրութ վերադարձել նաև լիբանանահայ Մարալ Նաջարյանը, իսկ Ադրբեջան է տեղափոխվել 16 անձ, այդ թվում՝ Արցախում 2014-ին երեխայի սպանության ու այլ հանցագործությունների համար դատապարտված Շահբազ Գուլիևն ու Դիլհամ Ասկերովը։
Տաթև Ֆռանգյան
