09.06.2026 | 16:14
Ինչ նպատակով է Ծառուկյանը ցանկացել մեկնել երկրից․ պարզաբանում է խոսնակը
ՊՆ-ն չի բացառում ուժային լուծումը, ուժեր է կենտրոնացրել․ Մոսկվան՝ միջնորդ Երևանի և Բաքվի միջև․Լուրեր
Քաղաքականություն
19.05.2021 | 12:09
Ողջամիտ ժամկետներում խաղաղ կարգավորման բացակայության, այն է՝ ադրբեջանցի զինվորականների՝ առանց նախապայմանների իրենց ելման դիրքեր չվերադառնալու դեպքում, ՀՀ զինված ուժերն իրավունք են վերապահում խնդիրը լուծել այլ, այդ թվում նաև ուժային տարբերակով։ Այս մասին հայտարարությունը երեկ ուշ երեկոյան տարածել է ՊՆ-ն։
Այսօր առավոտյան նախարարությունը հայտնել է, որ նախորդ երկու օրերին ՀՀ ԶՈՒ հավելյալ ստորաբաժանումներ են բացազատվել տեղանքում, իսպառ զրկելով ադրբեջանցիներին նույնիսկ տեսականորեն որևէ գործողություն իրականացնելու հնարավորությունից։
—
Ռուսաստանն առաջարկել է միջնորդ դառնալ Հայաստանի և Ադրբեջանի սահմանազատման հարցը քննարկելիս: Այս մասին հայտարարել է ՌԴ արտգործնախարար Սերգեյ Լավրովը։ Նրա խոսքով՝ Երևանը և Բաքուն նախնական համաձայնություն են տվել, և Մոսկվան հանդես կգա որպես հայ-ադրբեջանական հատուկ հանձնաժողովի խորհրդատու, որը կլուծի այդ խնդիրները:
Լավրովը նաև հայտնել է, որ ՀԱՊԿ արտգործնախարարները երեկ քննարկել են Սյունիքի մարզում ստեղծված իրավիճակի վերաբերյալ Հայաստանի խնդրանքը։ Թե ինչ է հետևելու դրան, Լավրովը չի ասել։
—
Ադրբեջանում պահվող հայ ռազմագերիների հարցի՝ Եվրախորհրդարանում մայիսի 20-ին կայանալիք քննարկման դեմ Ադրբեջանը լոբբիստական գործունեություն է ծավալում: Այս մասին հայտնել է գրել է ֆրանսիական Le Figaro ամսագրի փոխտնօրեն Ժան Քրիսթոֆ Բուիսոնը։
