18.01.2026 | 21:30
Վահագն Խաչատուրյանն այցելել է Ժնևի Սուրբ Հակոբ եկեղեցի
Ադրբեջանցիները դեռ ՀՀ տարածքում են՝ 2 կողմից ուժեր են մոտեցել․ նախագահը ստորագրեց համաներումը․ Լուրեր
Քաղաքականություն
17.05.2021 | 18:05
Ադրբեջանցիների մի մասը դեռևս շարունակում է գտնվել ՀՀ տարածքում և, փաստացի, ադրբեջանական սադրանքի հետևանքով ստեղծված խնդիրը չի լուծվել։ Այս մասին ՀՀ ՊՆ պաշտոնակատար Վաղարշակ Հարությունյանը տեղեկացրել է ՀԱՊԿ գլխավոր քարտուղար Ստանիսլավ Զասին։ Հարությունյանը հայտնել է, որ սահմանային այդ հատվածներում երկու կողմից էլ մեծ ուժեր են կուտակված, իրավիճակը արագ չհանգուցալուծելու դեպքում հետևանքները կարող են անկանխատեսելի լինել։
—
Ռուսաստանի ԱԳ նախարար Սերգեյ Լավրովը նույնպես անդրադարձել է խնդրին և ասել, որ Մոսկվան չի տեսնում հայ-ադրբեջանական սահմանի իրավիճակի հետ կապված առիթ՝ «հույզերը սրելու» համար, Մոսկվան պատրաստ է աջակցել Երևանին ու Բաքվին դեմարկացիայի հարցում։
—
Նախագահ Արմեն Սարգսյանը ստորագրել է զինվորական ծառայությունից և վարժական հավաքներից խուսափած անձանց նկատմամբ համաներում հայտարարելու մասին օրենքը։
