11.10.2026 | 20:00
15 հազար մարդ Հայաստան է գալիս․ ի՞նչ է սպասվում COP17-ում․ բնությունը մարդուց պաշտպանելու ՇԵՐՏԵՐԸ
Լավրովը խոսել է Հայաստանի ու Ադրբեջանի սահմանին տիրող իրավիճակից և դեմարկացիային աջակցելու պատրաստակամություն հայտնել
Քաղաքականություն
17.05.2021 | 16:48
ՌԴ-ն չի տեսնում հայ-ադրբեջանական սահմանի իրավիճակի հետ կապված առիթ՝ «հույզերը սրելու» համար, Մոսկվան պատրաստ է աջակցել Երևանին ու Բաքվին դեմարկացիայի հարցում։ Այս մասին հայտարարել է ՌԴ ԱԳ նախարար Սերգեյ Լավրովը, գրում է ՌԻԱ Նովոստին։
«Ոչ մի կրակոց չի արձակվել, ոչ մի բախում տեղի չի ունեցել։ Նստել, հանգիստ սկսել են պայմանավորվել այն մասին, թե ինչպես կարելի է մեղմել իրավիճակը։ Խնդրել են մեզ օգնել, մեր զինվորականները նույնպես նպաստեցին, պայմանավորվածություն է ձեռք բերվել։ Ես ոչ մի պատճառ չեմ տեսնում հույզերը սրելու համար այս ոչ սովորական, բայց հանգիստ կարգավորվող հարցում»,- ասել է Լավրովը Սիերա Լեոնեի ԱԳ նախարարի հետ համատեղ ասուլիսում։
Ինչ վերաբերում է հայ-ադրբեջանական սահմանի իրավիճակին, Լավրովն ասել է, որ ադրբեջանական կողմը միջադեպից հետո հայտարարություն է արել՝ տեղի ունեցածը պարզաբանելով «թյուրիմացությամբ և, ամենագլխավորը, սահմանի բացակայությամբ»։
«Ոչ ոք երբեք չի զբաղվել սահմանի դեմարկացիայով և դելիմիտացիայով, և մենք կողմերին առաջարկել ենք, որ սկսեն նման աշխատանքներ։ Մենք պատրաստ ենք նրանց դրանում աջակցել՝ տրամադրելով և՛ քարտեզագրական նյութեր, և՛ խորհրդատվական ծառայություններ»,- հայտարարել է ՌԴ ԱԳ նախարարը։
Էմմա Չոբանյան
