24.04.2026 | 14:53
Կիսում եմ անցյալում հայ համայնքի ապրած ցավը. Էրդողանը կրկին «ցեղասպանություն» եզրույթը չի օգտագործել
2016-ի պարտության պատճառն անտարբերությունն էր, կոռուպցիան և հովանավորչությունը. Անդրանիկ Քոչարյան. ՏԵՍԱՆՅՈՒԹ
Քաղաքականություն
05.05.2021 | 13:00
ԱԺ փակ նիստում քննարկվում է Ապրիլյան պատերազմի հանգամանքներն ուսումնասիրող քննիչ հանձնաժողովի զեկույցը:
«Ապրիլյան պատերազմի հանգամանքներն ուսումնասիրող քննիչ հանձնաժողովի զեկույցում կան դրվագներ, որոնք համապատասխան մարմինները պետք է ուսումնասիրեն, և եթե անհրաժեշտ լինի, տան քրեաիրավական գնահատականներ»,- լրագրողների հետ զրույցում այս մասին նշեց հանձնաժողովի նախագահ, «Իմ քայլը» խմբակցության պատգամավոր Անդրանիկ Քոչարյանը:
Անդրանիկ Քոչարյանն ընդգծեց նաև, որ 44-օրյա պատերազմն ապրիլյան պատերազմի շարունակությունն էր:
Նա նաև նշեց, որ իրենք դավադիրներ չեն փնտրել. դավադիրներ, եթե լինեն, կգտնվեն: «Փորձել ենք հասկանալ մեր պարտության կամ 2016 թ. մեր ձախողումների խորքային պատճառները, ոչ թե մակերեսային՝ էս դիրքում էս էր, վառելիք կա՞ր, սնունդը պակա՞ս էր: Պատերազմի ժամանակ պակասություններ լինում են, այլ բան է՝ կառավարման մեջ մեր բացթողումներն անշրջելի հետևանք ունեցե՞լ են, թե՞ ոչ»,- նշեց հանձնաժողովի նախագահը՝ հավելելով, որ հանձնաժողովն այդ հարցերի պատասխանը պարզել է:
Նա նկատեց՝ պարզել են նաև, թե հայկական կողմը երբ է իմացել, որ Ադրբեջանը լայնածավալ գործողություններ է սկսելու, որի մասին իր ելույթում կնշի ժամերով, րոպեներով:
Քոչարյանն ընդգծեց, որ մեր պարտությունների պատճառն անտարբերությունն էր, բանակ ներթափանցած կոռուպցիան և հովանավորչությունը:
Մանրամասները՝ տեսանյութում:
