06.06.2026 | 16:37
Անձրև և ամպրոպ. առաջիկա օրերի եղանակի կանխատեսումը
Սյունիքում կատարվածի գլխավոր դերակատարներն են Քոչարյանը, նախկին մարզպետ Վահե Հակոբյանը, Վանեցյանը. Արման Բաբաջանյան. ՏԵՍԱՆՅՈՒԹ
Քաղաքականություն
23.04.2021 | 17:45
«Ինձ համար դեռևս մինչև վերջ հասկանալի չէ, թե ինչու վարչապետ Նիկոլ Փաշինյանը որոշեց այդքան ուշ ժամի այց կատարել Սյունիքի մարզ, մտնել Շուռնուխ և այդ ձևաչափով հանդիպել բնակիչների հետ: Բազմաթիվ հարցեր մնում են օդում կախված: Այս մասին Factor.am-ի հետ զրույցում նշեց ԱԺ պատգամավոր Արման Բաբաջանյանը:
Անդրադառնալով դիտարկմանը, որ վարչապետի՝ Սյունիք կատարած այցը քննարկման առարկա դարձավ, և հարցին, թե ինչ էր տեղի ունեցածը, պատգամավորը պատասխանեց, որ Սյունիքում կատարվածը ուղղորդված էր մեկ կենտրոնից: «Այդ կենտրոնի առնվազն անկյունաքարերը մեզ հայտնի են՝ գլխավոր դերակատարը Ռոբերտ Քոչարյանն է, նախկին մարզպետ Վահե Հակոբյանը, պղնձամոլիբդենային կոմբինատի շահառուներից Արթուր Վանեցյանը, և բոլոր նրանք, ովքեր հայտարարել են, որ գործընթացները չպետք է ընտրություններին հասնեն: Սա ամենավտանգավորն է. Հայաստանը քաոտիկ, անկառավարելի, սիրիական սցենարով միջավայրի վերածելու գործընթացի մեկնարկը տրված է, միջավայր, որտեղ նույնիսկ ընտրություններն ի վիճակի չեն լինի ճգնաժամը հաղթահարել:
Սա գործընթացի երևացող հատվածն է, ավելի խորքային պրոցեսներ կան, որոնք վերաբերում են արտաքին քաղաքական «ոռոգումներին», վերաբերում են Փաշինյանի՝ մի քանի օր առաջ արած հայտարարությանը, որ եթե Մեղրիի միջանցքի մասին խոսք լինի, ապա մեր պատասխանը կլինի՝ Նախիջևանի միջանցք: Ըստ էության՝ դա պատասխան էր ռուս-թուրքական պայմանավորվածությանը»:
Մանրամասները՝ տեսանյութում:
