11.10.2026 | 18:01
Տիգրան Բարսեղյանը` գոլի հեղինակ. ՏԵՍԱՆՅՈՒԹ
Վրաստանում լրացուցիչ սահմանափակումներ դեռ չեն սահմանվի
Քաղաքականություն
21.04.2021 | 22:30
Այսօր Վրաստանի կառավարությունում տեղի է ունեցել միջգերատեսչական խորհրդի հերթական նիստը, որի ընթացքում քննարկվել է երկրում առկա համաճարակային իրավիճակը, գրում է aliq.ge-ն։
Կառավարության տեղեկատվությամբ՝ այս փուլում դեռ չեն սահմանվի լրացուցիչ սահմանափակումներ և գործող սահմանափակումների խիստ պահպանման դեպքում հնարավոր կլինի խուսափել լրացուցիչ արգելքներից:
Այս փուլում Վրաստանում ուժի մեջ կմնա երեկոյան ժամերին տեղաշարժի արգելքը, շաբաթ և կիրակի օրերին սննդի կետերի տեղում աշխատանքը, ինչպես նաև հասարակական միջոցառումներ անցկացնելու արգելքը: Երկրում կխստացվի մեկուսացման մեջ գտնվող անձանց և դիմակ կրելու կարգի պահպանումը:
Հիշեցնենք՝ վերջին օրերին Վրաստանում համաճարակային իրավիճակը վատացել է, օրական դեպքերի քանակը գերազանցում է 1000-ը:
