09.06.2026 | 00:17
Մարկո Ռուբիոն շնորհավորել է Փաշինյանին
Փարիզի Աստվածամոր տաճարը 2024-ից բաց կլինի այցելուների համար․ Էմանուել Մակրոն
Քաղաքականություն
16.04.2021 | 12:59
Ֆրանսիան գիտի՝ ինչպես հաղթահարել փորձությունները։ Փարիզի Աստվածամոր տաճարը 2024-ից կվերամիավորվի իր հավատացյալների և այցելուների հետ։ Այս մասին Ինստագրամի իր էջում հայտնել է Ֆրանսիայի նախագահ Էմանուել Մակրոնը։
Հիշեցնենք՝ 8․5 դարի պատմություն ունեցող տաճարում 2019-ի ապրիլի 15-ին հրդեհ էր բռնկվել։ Ըստ նախնական վարկածի՝ պատճառը տեղում իրականացվող վերանորոգման աշխատանքներն էին։
93 մետր բարձրությամբ սայրաձողի հիմքում բռնկված հրդեհը տարածվել էր փայտաշեն տանիքով։ Արդյունքում՝ ամբողջությամբ այրվել ու փլուզվել էր տաճարի գմբեթը։
Հրդեհից մեկ տարի անց, Ֆրանսիայի նախագահը հայտարարեց որ, չնայած կորոավիրուսային համավարակին, անելու են ամեն բան, որպեսզի տաճարը 5 տարում վերականգնելու ծրագրից շեղում չլինի։
Տարեկան 13 միլիոնից ավելի զբոսաշրջիկի հյուընկալող Աստվածամոր տաճարում այժմ ակտիվ շինարարական աշխատանքներ են ընթանում, որոնց անձամբ Ֆրանսիայի նախագահն է հետևում։
Հավելենք՝ ֆրանսիական Նոտղը Դամը 2 Համաշխարհային պատերազմ ու մի Ֆրանսիական հեղափոխություն է տեսել։ Այստեղ նաև բազմաթիվ հիշարժան իրադաձություններ են տեղի ունեցել, ինչպես, օրինակ, Նապոլեոն Բոնապարտի ու նրա կնոջ՝ Ժոզեֆինայի թագադրումն ու Ժաննա դ’Արկի ադարացման որոշման կայացումը։
Վերջին տարիներին տաճարում նաև պատարագ էր մատուցվում Հայոց ցեղասպանության զոհերի հիշատակին։
Նելլի Մելքոնյան
