14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Ավստրիան հայտարարել է Պուտինի և Բայդենի հանդիպման հարթակ դառնալու պատրաստակամության մասին
Քաղաքականություն
13.04.2021 | 23:02
Ավստրիան միշտ պատրաստ է հարթակ դառնալ բարձր մակարդակի բանակցությունների համար, ՌԻԱ Նովոստիին հայտնել են Ավստրիայի ԱԳ նախարարությունից՝ մեկնաբանելով Ռուսաստանի և ԱՄՆ նախագահներ Վլադիմիր Պուտինի և Ջո Բայդենի հանդիպման հնարավորությունը:
«Մենք տեսել ենք լրատվամիջոցների հաղորդումները: Եթե Ռուսաստանը և ԱՄՆ-ն որոշում կայացնեն գագաթնաժողով անցկացնել նախագահի մակարդակով, դա գովելի է: Երկու երկրների կողմից էլ կախված է որոշումը՝ կկայանա՞ նման գագաթնաժողով, երբ և որտեղ»,- ասել են նախարարությունից:
«Իհարկե, Ավստրիան միշտ տրամադրության տակ է ցանկացած մակարդակի բարձր մակարդակի բանակցությունների համար»,- շեշտել են Ավստրիայի ԱԳՆ-ում:
Հիշեցնենք, ավելի վաղ Սպիտակ տունը հայտնել էր, որ Բայդենը Պուտինին առաջարկել է գագաթնաժողով անցկացնել առաջիկա ամիսներին: Ինչպես լրագրողներին ասել է Սպիտակ տան մամուլի քարտուղար Ջեն Փսակին՝ ԱՄՆ-ի ու Ռուսաստանի նախագահների գագաթնաժողովի անցկացման վայրի մասին խոսելը դեռ վաղ է:
